[مدحدر]

[quote=rakan kalaf;46239[/quote]

" ألعليم صيّد ، وألكتابه قيّد "
.
.
هذه ألعبأره : أنا أفضل أنها تُكتب بماء ألذهب
\
ف َ اذا لقيت من يعلمك ويوصلك المعلومه بـ أخـــلاص " حط تحتها 13 خط "
وبنفس الوقت يكون فيه مجال أنك تدّون المحاضره وتكتبها
بحيث انك تسترجع المحاضره بشكل يومي وبشرح استـاذك بطريقة السهل الممتنع
ف َ اسئلك بالله : اي نصيحه تحتاجها بعد كذا ؟
انا عن نفسـي مشيت سنين عمري كلها على هالقاعده ولا اعرف امشي بدونها ابدا ً ، وبعد توفيق الله كان الخير ملموس بحياتي من جميع النواحي ولقيت وقت لكل شيء
،
لكن بعد مادخلت جامعتنا الحبيبه ، حصل لي ارتداد فعلي بسيط مع ارتجاج ف المخ بنسب معينه !!
فعلا ً كانت بالنسبه لي صدمه ، انا أأسف على هذا الحال واتمنى من جامعتنا الاهتمام
" بالجوهر " والتعليم لا بطرق التعلم !!
خذ شاشات العرض عندك ك ّ مثال ..
شاشات عرض ولاب توب وتحكم آلي عن بعد ومدري ايش وطرق تُعتبر حديثه
لكن بالمقابل !! دكتور مع كامل احترامي وتقديري تلخصه عباره وحده
" دااااااااااااااااااااااااااااااااااااااااااااااااج "
انا احاول اوزن هالمعادله الكيميائيه البحت براسي لكن ماهي راضيه تتزن اتمنى من يساعدني ..
1 - دكتور مو ملم بالماده ، واذا كان ملم مايعرف يوصل معلومه
" استحاله تجتمع ثنتين بدكتور واحد , واذا اجتمعت تُعتبر نادره من النوادر ، والطلاب مساكين كل الدفع تحول عنده وياليت يلقون عنده مكان ، سؤالي التالي هو الاهم : ليـــه ؟؟ "
2 - طرق ووسائل التعلم الحديثه ، انا اشوف بوجهة نظري المتواضعه انها تعقد بعض الشيء من الكتابه وتقييّد ماتم شرحه بالمحاضره بشكل جزئي
ف َ بالعقل والمنطق : اذا تبي تاخذ نسخه من السي دي ، وترجع تشغله وتبداء تلخص الماده على هواك وتشرح لنفسك
وبعد كذا تطلع وتاخذ سي دي الماده الثانيه .. وتمشي على هالمنوال ، ماتشوف طال عمرك انه ياخذ جهد ووقت " على الفااضي !! "
انا عن نفسي : افضل سبوره " طباشير " ، ودفتر " روكو " 40 ورقه ، وقلم رصاص مكسور من الجنب ، وبرايه خربانه
على ان اشوف أستـأذ ماده يشرح لي ويوصل المعلومه بشكل جيّد ومُرتب ، بحيث انك لو حاولت تستذكر وتراجع وتحفظ وقتها يكون الموضوع بالنسبه لك اسهل
افضل من انك تقوم و تبحث عن السي دي الفلاني والسلايد العلاني وياليت تطلع بنتيجه ..
المهم : الي قدر يوزن لي تراكيز هالمادتين مع بعض يعطيني خبر ، وله جائزه قيّمه عندي .. : )
واقول للي حاب ينتقد ويتفلسف علينا شوي : هذي هي وظيفة الاستاذ او الدكتور الاساسيه ، لا احد يقول : هذا كلام عيال والدكتور مو فاضي لك وانت طالب جامعي ومدري ايش
" ويفرد لنا من الكلام الحمصّي ده "
اذا كان الدكتور مو فاضي لي ؟ اجل فاضي لمين ؟؟ واذا ماكان هو المكلف بتعليمي وتوصيل لي المعلومه والمنهج المطلوب بالشكل المطلوب راح يوصل ويشرح لمين ؟؟
وانا اقول للظريف الي بيتفلسف بعد ردي هذا : هذي وظيفة اي معلم منذ فجر التاريخ ومو شيء جديد !! وعلى هذا الاساس
" كاد المعلم ان يكون رسولاا "
سواءا ً كان استاذ او دكتور او غيره ..
،
عموما ً ..
اول يوم كان لي ف الجامعه كان جدا ً ملخبط
لأول مره في حياتي اعيش جو العشوائيه هذااا
كان يوم كئيب
كان يوم مشتت بكل ماتحمله الكلمه من معنى .. بدليل ان الشعب كله راح لـ اشرف وزويل وغيره
لكن كنت أوأسي نفســي واقول : سنه تحضيريه وتعدي ، وان شاء الله التخصص تكون دراسته مرتبه وخارطه الطريق فيه واضحه للأعمى قبل البصيـر
بحكم اني درست بالبترول .. وفعلا ً شفت النظام و الامانه هناك بدليل ان ثلاث ارباع الدفعه تمشي وتعدي وهي مبسوطه ولو ان فيه كرف
جاوبني بصراحه : انت لو شفت استاذ فاهم ومعلومه مفهومه وطريقة شرح مُرتبه على اساس تسهل عليك عملية الاستذكار , راح تكون عندك مشكله بعد كذا ؟
انا أجزم ومتيقن تمام اليقين : انه لو كان نووي راح تكون فيه عالم
لكن ما قول غير .. صبرك يارب
وعلى فكره ..
وانا ما اطلب شيء مستحيل ..
وطلبي هذا حتى لو تنفذ مافيه اي نوع من انواع الامتنـان
كل الي اطلبه .. حق من حقوقي
عموما ً ..
اسف ع الاطاله واتمنى اني ما انصدم ثاني مره
واعذرني اني طولت في موضوعك يا دكتور راكان .. لكن فعلا ً كنت حاب القى مكان اقول فيه هالكلمتين
لعل وعسى القى فيه من يسمعني
ولكم التعليق , واتمنى اشوف أرأئكم وحلولكم له المشكله " العويصه " خ خ خ
مغليكم
.
.
\
مدحدر ..