[T@RIQ]

المشاركة الأصلية كتبت بواسطة mydear السلام عليكم اخواني رايكم يهمني جدا التخطيط الاستراتيجي pad332 موازنة ومالية عامة pad333 نظم معلومات ادارية pad334 ادارة محلية pad341 بحوث عمليات pad351 وتقبلوا تحياتي

هلا اخوي ،،،

بحوث العمليات ماده صعبه وتحتاج لمدرس لكن ان شاء الله اذا فهمتها تمام ماعندك مشكله لانها ماده علميه 1 + 1 = 2 لكن حتحتاج مجهود كبير منك .

ادارة محليه هذي الماده صعبه وسبب صعوبتها كتابها ،،، لما تشوفه يفتح نفسك اصغر كتاب في الجامعه ،،، لكن لما تفتحه ماحتفهم شي ،،، باختصار ماده ماتعرف اش تبغى ،،، والي يقهرك زياده اسئلة الاختبار كانك كنت تذاكر كتاب ثاني .

نظم معلومات اداريه هذي الماده نصيحه لاتشتري كتابها كله كلام فاضي وماراح تفهم شي منه باختصار كتاب ماله داعي ،،، والافضل انك تدور على ملخص شامل للمنهج مو ملخص ابو صفحتين ،،، ونماذج اسئلة كمان مهمه بهذي الماده لان الاسئلة تتكرر كثير ،،، عموما مستوى الماده متوسط .

موازنه وماليه عامه ،،، كمان هذي الماده كتابها يجيب الاكتئاب وكل الحالات النفسيه ،،، استخدم معاها نفس طريقة نظم المعلومات ،،، وتعتبر ماده متوسطه .

التخطيط الاستراتيجي كمان مالها كتاب معين وكلها ملخصات وعروض بور ،،، وتعتبر متوسطه .

باختصار اخوي جدولك يسد النفس ،،، مافيه ولا ماده كتابها عدل ،،، ومافيه ولا ماده سهله . ويبغالك جهد بكل ماده عشان تعرف انت كيف حتذاكرها ،،، يعني مافي توازن بجدولك والحسنه الوحيده انه 5 مواد .

عشان كذا ياخوي ،،، اذا تبغى درجات نصيحه تحذف وحده من هالمواد وتضيف ماده سهله ،،،
او تحذف ثنتين وتضيف 3 مواد سهله .

واذا الي يهمك النجاح بس ،،، خلاص خلي جدولك زي ماهو وشد حيلك ودور على الدكاتره الزينين .

وبالتوفيق ان شاء الله للجميع .