[قصة غروب]

المشاركة الأصلية كتبت بواسطة ro00ona السلام عليكم ورحمة الله وبركاته باختصار حابه اسأل عن سنة رابعه كيف حتكون الدراسه وهل في كلاسات ولا طول الوقت بالمستشفى ؟؟ واش الصعوبات والتحديات المتوقعه وآخر سؤال اول يوم نداوم في الكليه ولا في المستشفى؟ ياريت اللي عنده اي معلومات يتفضل يقولها. ولكم جزيل الشكر مقدماً

وعليكم السلام ورحمة الله وبركاته.
اخيرا لقينا نااس من رابع مختبرات نفضفض معاهم^_^!!!
اختي الله يسعدك رابع زي ماتشوفي ف الجدول كلها دورات اكلينيكيه ف المستشفى ومانجي الكليه غير محاضره او محاضرة اللي هيا lab administration&quality control مع البيج بوس دكتور حامد. ونروح الكليه اذا احنا احتجنا تيوتوريال من الدكاتره عن اي موضوع واجهنا ف الدورات ونجتمع مع الدكاتره علشان الستيودنت بروجيكت.
والصعوبات والتحديات زي ماقالوا لنا الدكاتره كلها راحت مع سنه ثالثه والتحدي اللي راح يكون ف رابع اننا كيف بنستفيد من كل معلومه اخذناها في السنوات اللي فاتت كيف راح نستفيد منها ونسغلها ف الشغل؟
وهذا شي سهل ان شاء الله ومافي صعوبات ف رابع لان الدكاتره يقولوا راح يكونوا معانا ناس راح تعلمنا وراح تفيدنا بكل كبيره وصغيره يعني ان شاء الله مافي خوف.
وبالنسبه لاول يوم وين بكون, بالنسبه لنا راح نروح ع الكليه وراح يكون في اجتماع مع رئيس القسم بيكلمنا فيه عن رابعه ونروح المستشفى علشان يسوي لنا زي اللقاء التعريفي بالمستشفى ووين نروح ووين نجي فيها.
اتمنى اني اكون افدتك واي استفسار ان شاء الله نستفيد من بعض وانت اي معلومه لاتبخلي علينا فيها.
ربي يوفقك ويحقق مبتغااااك.
تحياتي