[سكووت]

تعبت و انا بكل موضوع امدح بحروب صليبية

في بنت سأتني عنها و دي الاجوبة لعلها تفيدك

أبغا أخد رأيك في ماده حروب صليبيه لأني دايم اقرأ انك تمدحيها فأبغا رأيك فيها+كم سؤال ايش اسم الكتاب ودسم ولا لا؟وعن ايش يتكلم المنهج؟

صراحة كانت تجربة ممتعة و الدكتور عمر يماني قمة الروعة و الفلة و الحماس و التعاون ..الكتاب اسمو المختصر في تاريخ الحروب الصليبية للدكتور عمر يماني هو المؤلف برضو ..الكتاب صغير 147 صفحة ,يتكلم عن السبعة حملات الصليبية من اوروبا لبيت المقدس , يعني حيكون في معارك و اسامي قواد اضافة لأسامي باباوات الكنيسة .. و كمان اسامي عربية زي صلاح الدين و الكامل , في حفظ تواريخ لكن تواريخ جابها بالنهائي و كانت مرة واضحة و هو ركز عليها بالشرح ..

طبيعه الاسئله؟ طريقه توزيع الدرجات؟

الدوري الاول : كان كلو عددي و اعتقد فراغات <10 درجات
الدوري التاني عددي و تكلمي عن الحملة الصليبية التانية < 20 درجة
النهائي 40 سؤال اختاري وصح وخطأ <مرة كانت سهلة <40 درجة

15 درجة على التقارير يعني يا ستي : كل محاضرة انتي تكون كتبتي فيها حتى لو نص ورقة بيدك اقري الدرس و اكتبي الخلاصة بورقة وسلمي 15 تقرير خلال 15 يوم يكون في جيبك 15 درجة
انا كنت بوقت المحاضرة اكتب و اسلم ..

10 درجات تكليف
5 درجات هدية منو لو كنتي اتحادية انا هلالية و ماقصر معايا

طريقه الدكتور في الشرح؟

الشرح ماعليه كلام مرة رائع و فلة و ما تحس انو في رسميات يعني يعاملنا بعفوية

تاخد وقت طويل في المزاكره؟

انا التاريخ احبو , يعني حوالي ساعتين او ثلاثة كانت كافية ليا , بس زي اختي مثلا تكره التاريخ و مستحيل تحفظ اي اسم على الرغم انها شاطرة بمواد اصعب ,لكن هيا على حسب الميول ..

يمديني أجيب فيها إيه بلس؟

يب تقدري تجيبي اي بلس خصوصا لو سلمتي التكليف بوقتو و التقارير الـ 15 تكوني ضمنتي 25 درجة و غير الـ 5 درجات ..

المنهج دسم ولا لا؟

وسط , ممكن للي مايحب التاريخ يشوفو دسم بالاسماء لكن شخصيا كان عادي وسط ..

الدكتور متساهل؟ويعطي درجات؟

متساهل , طيب , و متفهم حتى لو عندك اعتراض عالدرجة مستعد يناحل معاكي لأخر قطرة

يدقق في الحضور والغياب؟

مالها درجات , بس يعني لا تغيبي عشان ماتاخدي حرمان

كيف اختباراتو؟

حلوة بالنسبة ليا كانت , و الشعبة اصلا زحمة وعليها طلب ,انا من كتر المدح اللي قريت عنو بقسم التاريخ رحت من الصبح قبل الزحمة عشان اضيفها , اضافة انو اخت صحبتي معيدة تدرس سيرة نبوية ,فأنا قلت حاخد سيرة نبوية قامت قالت ليا لا خدي حروب مع دكتور عمر

وياليت بليز لو تقوليلي كل شي عن الماده لاني اباها حره وحاخد معاها 7 مواد يعني ابغا ماده مريحه وأكون شاكره لكي مره يا عسل والله يوفقك ان شالله

و ختاما هي موعدها دائما احد و ثلوث من 11 لمن 12
وحاولي تبهري الدكتور وتتفلسفي و تجيبي معلومات ترا يحب المتفلسفات و مرة ادى بنت درجة عشان جابت معلومة ..