[سكون الورد k.a.u]

المشاركة الأصلية كتبت بواسطة تلميذ منتسب 8 لا كلامي مو مثاليه يازمرده الله يحفظك لكن الخطأ لا يعالج بخطأ وهو المبدأ الذي بنيت عليه كلامي ولو اخذنا هذا من باب الانكار فنقول ان المنكر اذا ترتب على انكاره منكر اعظم منه فهو منكر نحاول فعلا الوزن بين الامور طيب شلون نعالج الخطأ برأيك ؟؟؟ مافي غير هالطريقه ، خطابات وارسلنا ، برقيات عاجله وتكبدنا سعر كل حرف بالبرقيه ، حاولوا الشباب يدخلون على الملك وطبعاً مافي أمل انك تشوفه غير بالحلم .. ويمكن مايجي بالحلم الا اذا كنت شيخ او مسئول كبير هههههههههه ونفس الشي بالنسبه للوظايف .. الشباب ذبحهم الجوع وذبحتهم رغبتهم بالزواج ، والبطاله دمرت مستقبلهم ، لو تشوفهم على الفيس شلون يشكون ماتصدق ان اللي يقول هالكلام شاب ؟؟ والله حالتهم تصعب على الكافر .. ولازم ياتلميـذ ننظر للحال العام .. يعني شف الوضع العام عندنا ؟؟ بطاله كاسحه الشعب كسح .. والأجانب مترأسين علينا بديرتنا !! انت ترضى يكون مرؤوسك هندي ولا غيرهـ وياخذ مبلغ وقدره وانت تطلع لك بـمبلغ زهيد حتى مايسمح لك البنك تاخذ قرض عليه ؟؟؟ وهو يآمر وينهي بديرتك ؟؟ قالوا : انتم ماانتم متعلمين وحنا اضطرينا نجيب الاجانب علشان نرتقي بالبلد !! هذا هم تعلموا .. يعني طيااااار يصير سواق لموزين ؟؟؟ ومهندس بترول يصير حارس أمن ؟؟؟؟ ياشيييييخين خااافوااا يوم تقشعر منه الابدان .. انا نفسي ان الله يمحي كل من تسبب بهالوضع المزري ، ليكونوا لغيرهم آيه صحيح هناك شباب يبحثون عن عمل ولكن هل ايجاد العمل سيكون بعمل مظاهرة تخل بالامن من قال انها مظاهره ؟؟؟ هي مسيرهـ محترمه هادئه بدل الاعلام شايلين علاقي اخضر فيه صورهـ من مؤهلاتهم ! انتي شايفه الوضع بالدول التي قامت بها مظاهرات كيف صار وضعها الان ماقلنا اننا مانبي حكم آل سعود ، او نبي نسقطهم من الحكم ؟؟ حنا قلنا يآل سعود وظفونا ترآنا شعبكم متعلمين وعاطلين ، ولا شاطرين تجيبون بدعايات السباكين والخياطين السعوديين ، وطالع الشاب ياقلبي عليه يقول : انا خياط سعودي وافتخر !!!!!! اي تفتخر ياشيخ اقعد بس !! يازمرده نقول الحمد لله على نعمة الامن وان شاء الله الامور تتحسن وخاصه بعد صدور الاوامر الملكيه هههههههههه ، صدقني جلدك مايحكه الا اظفرك .. اما تقعد وتقول ان شاء الله بعد الاوامر .. يتحسن الوضع !! معصي يتحسن .. منهو اصلاً راد على الاوامر ، انت شف التجار والوزراء ايش مسوين بالبلد ، هل الاوامر غيرت شي باستبدادهم بالبلد ؟؟ انا اعتقد ان هناك اناس تسعى لعمل المظاهرات لاشياء ليس لها صله بالوظائف ولا اقصد بذلك صاحبة هذا الموضوع وانما اولئك الناس يسعون لاستغلال حوائج الناس وتوظيفها في خدمه اهدافهم وسلامتكم

صدقني النآآآآس الحين مو هامها شي .. النآآآس جوعانين وعاطلين وحالتهم بالبلاااااا .. والاسعار كل مالها تطلع وتزيد .. والدوله تتفرج علينا .. وماهم شايلين هم غير سعر الشعير !!!
وش نبي بالشعير حنا يطلع سعره ولا ينزل ؟؟؟
>> لايسمعني ابوووي لانه يربي غنم والرآعي كل شوي يقوله الشعير ارتفع هههههههه

تلميــذ ، واللي يسلمك حط نفسك مكان الناااااس نفسك تتزوج وتتوظف بس ماانت قادر لانك ماانت موظف ..
انت يمكنك متزوج ومتوظف علشان كذا صعب تحس بالشباب اللي على الفيس وباقي المنتديات ..!

تحياتي لشخصك الكريم ، ومعليش تحملنا ^_^
دمتم بود