[zaco]

المشاركة الأصلية كتبت بواسطة الوردة الموفية السلام عليكم .. بدخل ع طوول في الهرجة .. الحين انا يوم الثلاثاء الي فات رحت للجامعة لأنه التخصص ما نزل عندي .. رحت لمبنى الاقتصاد المنزلي عند وحدة اسمها غادة على ما اظن المهم قالتلي اكتبي اسمك ورقمك الجامعي ورغباتك ووقعي .. وقالتلي راجعينا يوم السبت او الأحد .. قلت لها طيب .. واليوم رحت لها .. قلت لها هاا ما نزل التخصص ياليت تنزلوه ليآآ قالت لا تجيني الا اذا نزل التخصص .. قلت لها طيب متى ينزل .. قالت مدري بس اهم شي لا تجين الا اذا نزل .. .. .. .. ايش ذا والله جابولي الطفش .. يعني متى بينزلوه يعني لو مو هيآآ بتنزله اجل اروح عند مين عشان ينزلوه ليه .. وكمان هيا خلتني اكتب رغباتي يعني اتوقع انها مسؤوله عن هذا الشي .. صحبتي في كلية الاداب سوت نفس الشي ونزلولها التخصص من اليوم الي بعدو وبعدين هاذي تقولي تعالينا اذا نزل التخصص .. طيب اذا نزل التخصص اجي اسوي عندها ايش ؟؟ انا كنت جايتها عشان تنزلي التخصص .. بس دامها ما تسوي كذا .. اجي اسوي عندها ايش قلت ممكن ارتب جدولي .. بس قلت لا ترتيب الجدول من الاودس ؟؟ وفي شي مخوفني اخاف يأخرونه ليه وتخلص الشعب عني ويسير جدولي كله بريكات ادري كثرت عليكم بس والله مررة مدري عن شي تكفووون فهموني

وعليييكم السلام ورحمه الله..

اممممممممم اختي ..لا تشيلي هم حينزلوها قرييب ان شاء الله خلال دا الاسبووع..لانو انا اليووم روحت رتبت التخصصصات..يعني انو لسسه البناات بيجووهم ..عشان كدا ما نزلوها لمن دحييين..

وازا نزلوها..وفتحتي الاودس ولقيتيي انك اتخصصتي..روحيلهم عشان ينزلولك المواد ويوركي مرشدتك مين هيا .. عشان هيا حتسساعدك عل الحذف والاضافه..


اممممممممممم وهما قالولنا اسنتو يومييين كدا ان شاء الله تنزل..الله يعينننا ان شاء الله..

^_^