[LeLou]

المشاركة الأصلية كتبت بواسطة الجوري الجبلي السلام عليكم انا طالبه سنه تحضيري والان تخصصت فيزيا مع انه نسبتي عاليه ممكن تدخلني طب والان احس ندمت ماادري ليش وقلت امكن احول حاسب لانه كل من شافني يقولي الفيزيا مو حلو وصعب ودراسته صعبه وماله مستقبل هدولي البنات يقولو وانا من كدا تحسفت اني اخترته انا مو اني اعشق الماده ودكيه بس عادي وانا الان متضايقه جدا وفي هم ساعدوني الله يجزاكم خير وادا بجلس امشي على الخطه الدراسيه اللي للمستوى الثالث زي ماهيه احسن لي وادا وحده جدولها حق المستوى الثالث كان عاجبها ومريحها تنزله وتقولنا ايش المواد اللي اختارتها وانا بين هم التحويل والبقا في التخصص يااهل الخبره لانهم يقولو اللي درجاتهم نازله هم الي يدخلوه لانه نسبتي كانت في التسعينات تكفون ردولي خبر

و عليكم السلام و رحمة الله و بركاته..

أول حاجة يا عسل إنتي استخرتي قبل لا تتخذي قرارك؟!
حاليًا إنتي أيش نفسك،، تبغي بجد تحولي و مو حابة التخصص؟!
إذا كذا استخيري و روحي من بدري الأيام دي على عمادة القبول و التسجيل و اطلبي منهم يحولوك إذا بالفعل نسبتك عالية و تدخلك طب..

بالنسبة لدراسة الفيزياء عندك أنا مثلاً قدامك كنت حاسب و حولت فيزياء..
و أنا عارفة طبيعة الحاسب لأنه تخصص بابا و كان حلم حياتي و ما دخلته عن تهور بالعكس عن حرب و صراعات و قصة يطول سردها..
و بالنهاية حولت فيزياء..
شوفي حبيبتي المستقبل إنتي إللي تصنعيه لنفسك بعد إرادة ربنا مو الشهادة و لا التخصص..
و أنا لما قررت أني أحول من الحاسب واحدة من الأسباب إللي خلتني أختار الفيزياء أنه عدد الطالبات و الخرجين منه جدًا قليلين،، و في عجز في المدرسين..
فأنا بإذن ربنا ناوية أنه أخلص بكالوريوس و أكمل دراسات عليا و أقدم على وظيفة معيدة في الجامعة..
لأنه الخريجين قليلين و إللي نسبهمم عالية كمان قليلين..
و أنا الحمد لله حاليًا مبسوطة في التخصص و مرتاحة فيه و حابته من أكثر ما يكون..
حتى دايمًا أطلع على أشياء في نطاقه،، يعني مو ماخذته دراسة و بس بالعكس حياتي كلها فيزياء و حتى جننت أهلي بدا الموضوع..
كل شي إلا ما أعمل له تفسير<< طبعًا مو من خيالي من إللي اتعلمته..
خصوصًا أني إنسانة بطبيعتي منطقية و أميل للمنطق،، و هذا التخصص يناسب هذي النوعية من الناس..

و أعطيكي مثال آخر أديته لناس كثيرين..
بابا يعرف اثنين أخوان،، واحد معاه شهادة طب و الثاني هندسة..
و اثنيناتهم قاعدين يشتغلوا في محل بيع بالجملة تبع أبوهم..
و ماسكين المحل و ما شاء الله معيشهم أحلى عيشة..

مو التخصص و لا الشهادة كل ريال و كل لقمة مكتوب عليها صاحبها ما في أحد راح ياخذ حق أحد..

و بالنسبة للتخصص ترى إنتي صح بالبكالوريوس مجالات العمل فيه أعترف أنها قليلة..
بس إذا حضرتي دراسات عليا في الفيزياء الطبية أو الفيزياء النووية ترى لها مستقبل حلو..
و كمان عندك تقدري تاخذي بعثة تدرسي هندسة كهرباء..
أو تقنية نانو تخصص نادر و حديث..
و عندك كمان فيزياء الفلك جدًا رائعة<< ناوية أكمل فيها بإذن واحد أحد..
و وظيفة دكتورة في الجامعة ترى أنا أشوفها أحسن وظيفة..

فإنتي أولاً و أخيرًا استخيري و بعدين قرري..
و زي ما قلت لك إذا تبغي تحولي روحي من دحين قبل لا تبدأ الدراسة للعمادة و زني عليهم و إن شاء الله بيحولوك إذا معدلك عالي و مستوفيه الشروط..

و أعتذر منك على الإطالة..
و بالنسبة للمواد نتكلم عليها بعدين بعد ما ترسي على بر..
بالتوفيق يا عسل||~