[Majed7]

السلامـ عليكمـ جميعا ..

كيفكم يا رب بخير ^_^


يا دكاترهـ أنا محتار حاليـــا والقرار اللي راح أتخذه بيكونـ مصيري في حياتي وحاب آخذ رأيـ الكل وأشوف وجهات نظركم .. وطبعا بكلمـ أهلي وأقاربي الكبار وأشوف بعدها :)


أنا بصراحه ما ارتحت بالكليــهـ ..

واليوم من أولـ محاضره دخلتها إلى آخر محاضره بس دكاتره قاعدين يتكلموا عن طور الجنين وحركاتـ المفاصل ومسمياتها وو .. وجميع هالأشياء تتطلب حفظ بحت وأنا عنديـ قابلية للحفظ لكنيـ أكره هالشيء ..

طبيعتي أحب أذاكر المواد الفهمـ والتطبيق أكثر من الحفظ ونظامـ المعامل ..

خاصه الماث والفيزياء كنت آخذ وقت في مذاكرتها لكنـ أبدا ما كنت أحس بملل .. عكسـ الأحيــاء والمواد النظريه الثانيه :)



ما أبغى أتسرع في قراري .. لكنـ أتوقع إن الأربعاء الجاي آخر موعد للتحويل من تخصص لـ تخصص ثاني

وأنا محتار أكملـ أو أحولـ هندســـه التخصص الأكثر ملاءمه لي ..

أخاف أكملـ ويكونـ إنسحابيـ بعد سنه ولا سنه ونص ويكونـ خسرت وقتها سنه من عمري - غير السنه اللي فاتت - .. وأخاف أحولـ وأندم على تركيـ لـ الطب ( وهنا بتكونـ الصدمه الأكبر في تفريطيـ بهالتخصص ) .. !


المسألــه مو صعوبه أكثر من إنها راحه ..

يعني مثلا بالهندســه راح تكونـ مواد من 15-18 ساعه بالترم وتقريبا غالبيتها فهم فـ ما راح تكونـ فيه إشكاليـــــه ..

أما الطب 25 ساعه بالترم وجميعها بدونـ استثناء مواد حفظ - غير جزء العملي - .. أنا مجرد ما أفكر بالساعات والحفظ أكتئب أكثر ..

ما أدريـ هذا قرار متسرع ومع الوقت راح أتأقلم .. أو إنه ما كانـ اختياري للتخصص بمحله .:)



أنا بستخير مره وثنتين اليوم وبكره .. والله يكتب لي الخير إذا كملت أو حولت ..