رد: كلية الكيمياء اللحيوية ^_*
طلاب وطالبات البايو كمستري بقولكم كيف نجذب الأنظار لنا فااغلب اللي نبغيهم يشوفو موضوعنا مايكون كتير عل الفيس او تويتر
المهم بكمل الهرجه لكم
علمت عمي عن معاناة خريجي الكيمياء الحيوي قال مالكم غير البرامج المباشرة
قلتلوه مثل إيه
قال مثل برنامج الفتوى حق عبدالعزيز ال الشيخ
الصراحه في البدايه تفاحات وقلت لا مستحيل نتصل ونقول عن المعاناة
قالي يابنتي اصبري علي خليني اكمل
قال قبل مايطلع قرار الملك حق الوظايف اتصل واحد عل البرنامج وقال عن معاناته انه خريجي وماتوفرت له وظيفه هنا فقرر انه يبحث في الخارج فوجد
عاد رد عليه وقال الدوله اولى بكم واستنو راح ينزل قرار سامي لكم
فعشان كذا لازم نتصل فالشيخ قريب من الملك حفظه الله وراح يتفهم وضعنا
فمين اللي عنده الجراءه والمخاطبه الجيده عشان يخاطب الشيخ
وانا متأكده راح نلاقي حل اذا كلمنا الشيخ
طبعا البرنامج اللي يجي في السعوديه الاولى بعد المغرب
وان شاءالله تكون نقله قويه لقسمنا
واذا ماقدرتو تكلموه عن طريق البرنامج المباشر نكلمه على جواله الخاص والشيخ متسامح وراح يفهمنا
واتمنى من الله الرازق ان يوفقنا لما يحبه ويرضاه
|