[اشراقة امل]

المشاركة الأصلية كتبت بواسطة حبي لذاتي قمة أولوياتي ~ ماشاء الله طيب لو فيه واجبات او عروض بور او حتى دروس او تطبيقات ياليت ترفقيها هنا للفائدة ونبغى نعرف أسلوب كل أستاذة في الإخبتارات والشرح والاسئلة كيف يكون ؟؟ الله يييسر لك امرك يارب سألت وانتظر الجواب ~ إجتماع ؟؟ ياليت توضحي اكثر !!

أبشري .. من عيوني بس غالبية الواجبات / التكاليف جماعية ( قروب من خمس بنات غالباً) وصعبّ أعطيك شغل غيري .. بإذن الله راح اتواصل معاهم وانزلها لكم إذا وافقوا :)

راح ابحث عن التكاليف الفردية اللي سويتها بنفسي مع أنها قليلة جداً وانزلها هنا إن شاء الله
غاااااالبية التكاليف بالدبلوم جماعية قروبات تختارونها بأنفسكم أو على حسب التخصص
مثلاُ عندك تكليف تصميم وحدة دراسية لازم يكون بنات من نفس التخصص مع بعض أو بتخصص قريب يعني ماينفع بنت علوم مع لغة عربية .. و قيسي عليها البقية..

جدولكم اللي نازل هنــــا
الدكاترة مو نفسهم اللي درسونا فيه منهم ثنين بس والباقي ما تعرفت عليهم للأسف
د. إيمان ياغي كانت تعطينا أسس مناهج و طرق تدريس بالفصل الأول .. و تقويم التدريس والتعليم في المملكة بالفصل الثاني هي أكثر دكتورة تعرفنا ونعرفها زيييييييين....
مرررره طيبة و عسوله و تراعي كثير الله يسعدها بس شديدة شويات بالدرجات
تعاملها بدرجات أعمال السنة كلها كسور ( ربع و نص و ثلاثة ارباع ) ترفعك بس النهائي إذا تحتاجين درجة درجتين مثلاُ 89 و 88 ترفعها للا متياز
تكاليفها موب سهله غالباً ناسية والله وش تكاليف اسس مناهج افتكر تلخيص عن موضوعات محددتها في 5 خمس صفحات .. و عرض بور بوينت من المنهج تشتركين مع مجموعة من البنات وتعرضينهم قدامها <- على اعتبار انك استاذة يومها
بابحث عن مخطط المقرر و راجعة لكم

أما عن د. حنان ربيع تعطي الحاسوب في التعليم .. المادة معروفة مسبقاً للي عندهم خلفية عن الحاسب و الأوفيس راح تأخذوا كل شيء من البداية من مكونات الكمبيوتر إلى البور بوينت ..
فيه جزء عملي عليه 20 درجة تضمنيها بالراااااحة إن شاء الله
طبعاً له استاذة ثانية أحنا اعطتنا أ. هوازن

تعبت من الكتابة والتذكر .. راجعة لكم إن ربي احياني :)