[خالد]

ما شاء الله عليك يا ابو فيصل مجتهد قبل المحاضرة بساعة

أبدا ً أمس مانمت طول اليوم عشان أعدل الوضع

شربت حليب عالساعه 11 ونمت

حطيت المنبه على 8.30 لكن صحيت الساعه 7 <<<< متعود على نضام المدارس

مشيت الجامعة وفعلا ً كان زحمة عند المدخل الرئيسي يمكن من الشباب المستجدين موقفين غلط أو مسببين زحمة والشارع فاضي وبرضو عشان بوابة الطالبات ماعرف اش اللخبطة اللي مسوينها المهم مع الزحمة وصلت لقسمنا الحبيب

جاء دكتور أول محاضرة يقول المادة صعبة وغثيثة عليا أنا وعليكم لأنو أول مرة يدرسها
وعشان شباب القسم يثبتو أنهم مجتهدين حضر 7 طلاب من 20 أو 25 ماني متاكد
جلسنا ندردش عن المنهج وكيف طريقتة وليش هذا الكورس وتعرف حسيت اني انسان مهم لما تاخذ مادة 400

مافي عشر دقايق بدأت المحاضرة اللي بعدها
وبرضو طلاب القسم أثبتو بأنهم مواضبين ومهتمين وجاء 8 طلاب ويمكن 2 متأخرين من 25 طالب
دخل الدكتور وتكلم عن المنهج ويبدو أن المنهج ممتع

ملاحظة : أن مساعدة أخوك الطالب المستجد عمل نبيل فأحرص عليها
خليك واقف في السيب وشوف الطلاب رايحين جايين وانواع الأسئلة اليوم وقفت قدام القسم عشر دقايق يمكن جاوبت ثلاثة أسئلة

مافي بعدها عشر دقايق الا بدأت المحاضرة الثالثة
ويواصل الطلاب ابداعهم المتواصل ويحضر 3 طلاب من شعبة قوامها 8 طلاب
والدكتور طلع يحب يعطينا أمل كبير ويخلينا متفائلين وقال أنتم من حضكم الوحش جيتو في شعبتي
ولا سجلتو في الشعبة التانية والدكتور شكلو عاجبه نظام مادة IE201 وخلا دراسة المادة هذي active learning
واخذنا فرست دي متيريل والخطة وتوزيع الدرجات زي مانتب عارفين المقدمة في الهندسة الصناعية المستوى 1

وخلصنا

ومشينا

ورجعنا

وانتهى اليوم الدراسي الأول بنجاح

رهيب أول يوم مافي شغل ولا تعب بس تعارف
ليت أيام الدراسة كلها زي اليوم الأول

ونشوف أبو فهد وراكان والشباب أش سوو في أول يوم
وماشاء الله عليك ياديفل مجتهد زي خوينا اللي في دمشق داق يسئل كيف الوضع عندكم