جميل رأيك إن المجتمع يتحمّل عدم دخول الشباب للاسواق بالاصح قمعهم
بس يا ليت توضحيلي هالنقطة بإسهاب أختي
أبي اعرف مين هالمجتمع اللي يقمع الشباب ومبررات منعه و و .. الخ
وشاكر لك
.....
بالنسبة للأخوان اللي عايشين على أسطورة تطبيق الشرع والسنّه
أقول لهم أول شي ... يكرم شرع الله إنه يتطبق بأرض التطبيق الكامل الصحيح
وما تصير هالأرض الاولى في الكون حضاريا وفكريا وعلميا ... الخ
معادلة تطبيق الشرع في الأرض معادلة معروفه من 1400 سنة
وهي معادلة بسيطة اذا طبقت شرع الله بشكل كامل وصحيح في أرضك
فإن أرضك ستكون الأقوى في الكون وستصل إلى فتح ونشر هذا الشرع بالأراضي الأخرى
لكن سبحان الله هل تطبيق الشرع بشكل كامل وصحيح عالجميع
صار يسبب الفساد الاخلاقي والإداري والمالي وكثرة ظهور الرذيلة والقتل ؟
هل تطبيق شرع الله بشكل كامل وصحيح عالجميع
يعني إن الصليبين فوقك ب 700 كيلو ومسيطرين على خيراتك وامرك في يدهم ؟
هل تطبيق شرع الله بشكل كامل وصحيح عالجميع
يعني إن فلسطين تتمرمط فوق 70 سنة وغيرها من الأقطار الإسلامية المجاهدة
ولا ترضى هالارض اللي تطبق الشرع الكامل إنها تنقذ هالاقطار المجاهدة وتحررها ؟؟
يا أخوان شرع الله اكبر واعظم بكثير من اللي عندنا !
واقرأو التاريخ الإسلامي جيداً روحو شوفو ايش يصير لما يتطبّق الشرع الكامل
ثانياً وين تطبيق الشرع والمنع في هاذي الحالات /
1- البنوك الربوية بالبلد ربا عيني عينك فيها كلّها وعادي جداً مسموح تسوّق الربا عالمجتمع
2- مكاتب القناة الإسلامية الكويسة mbc الموجودة في الرياض وجده !
3- محلات تسجيلات الأغاني محل كامل يسوّق عليك بضاعة محرّمة بالإجماع !
4- يوتيوب الكويس صاحب البرج بالرياض اللي يجاهر بالمعصية وبالنسوان من وسط البرج
وما ندري وين الجهات الاحتسابية ما شفنا لهم حس ولا خبر قدّس الله سرّهم !
5- غياب الإفتاء بشكل كامل عن قناة مثل MBC
فتوى طاش ممنوع وسكتم بكتم عن القناة ... هاذي انا اكبر منها بكثير ولا احتاجها !
وايضا ظهور المذيعات بالزينة في قنوات الدولة وعرض الأغاني من المسارح !
6- إقامة مهرجانات غنائية مثل مهرجان جدة الغنائي وغصبن عن ابو جد الدولة كلّها !
ما ادري دستور هيئة الامر والنهي عندها مادة ( فإن حفلات جدة لا يجوز عليها الإحتساب ) ؟
والا عشانها ماهي لشلة شباب غلابا او هنود وبنقلاديشيه مالهم رب !
وغيره وغيره من فقه الدولة والسياسة وفقه المال العام وأحقية الفرد بالمال .. الخ
من الأمور اللي ما نبي ندخلها لأن سسكاو لا يحتملها ..
أشد على يد الأخ عموري .. والأختين سكون وسفيرة اللغة
واقولهم استمروا على رؤيتكم لانها رؤية صحيحة ومقنعة لأي عقل يستوعب الدين جيداً
والنقاط اللي مافيها أي شرع ولا إحتساب يا كثرها من اللي ذكرته أعلاه .. !
الواقع والصحيح إن التطبيق اللي صاير هو تطبيق فيما لا يعارض مصالح علية القوم
وتطبيق لإضفاء الشرعية والصحّة على الجهات المعنّية
عشان الغلابا اللي على نياتهم يصدّقون إن فيه تطبيق للشرع فعلاً خخخخخ
بالاضافة أن التيار الديني بالبلد مازال قوي بالتالي تفجير المنكرات علانية راح يلقى معارضة شديدة
لكنّه وفي ظل المهازل اللي صايرة هاذي راح يضعف وراح ينجبر عالمنكرات علانية
وكل هاذي خلاصة إنتاج الفرد اخلاقياُ بالداخل
فإذا هذا الوضع اللي صاير لا احد يستغرب الوضع بالخارج او يقول نحسّن الوضع برا
كيف يعني اجلس برا واقول احسّن احسّن وانا اساساُ منهار دينياُ وفكرياُ ؟
شاكر للجميع