رد: بنااات الاحياء والكيمياء الحيوي ساااعدووووني
حبيبي ترا كلنا بنتعب في الحذف و الاضافة .. هذا و انتي لسى في السنوات الاولى اكيد حتسير لخبطة في الجداول و زحمة فما بالك انا تخرج تخيلي باقيلي بس 16 ساعة و اتخرج قالولي لا عندك مادة و متطلبها ما تاخذيها سوا قالو لو ما بقي غير دي المادتين كل وحده تاخذها في ترم !! بالله مو قهر اتاخر ترم كامل عشان بس مادة وحده !!
جلست وراهم 3 ايام الين ما طفشو مني و اضافوها ليا ..
برضو اول ترم سوو فيا حركة .. تخيلي ليا شهر اداوم على حسب جدولي الي نزلي في الادوس بعد شهر اكتشف انهم مغيريلي الشعب حقت الرياضيات .. تخيلي شهر و انا احضر في شعبة مو شعبتي مدري متى غيرو الشعبة و انا مني دارية .. رحت قلتلهم كيف تغيرو الشعبة كدا ؟؟ قالو ايش الشعبة الي سارتلك ؟ قلتلهم ٍs7 قالو خلاص احضري فيها بكل بروووود و لا كانو سار شيء شويا و اصرخ عليها .. الشعبة كانت بدري شويا و انا اغلب محاضراتي تبدأ 11 لاني كنت تاهيلي .. قلتلها طيب انا ما عندي مواصلات انا متفقه مع سواق يجيبني الساعة 11 ما يقدر غير كدا .. قالت اممم طيب رجعولها الشعبة خخخخخ
لازم كدا تلفي و تدوري و تضغطي عليهم قلين ادب خصوصا مع بنات اول سنة يحسبوهم دلووخ
كلنا يا قلبي عانينا .. ما همك في الجدول كيف المهم الاستاذات و الدرجات .. ايش وراكي مستعجلة على التخرج ؟؟ هدي هدي الحياة حلوة ... اموااااه لاحلى جيزان ..
|