[مو عادى]

مادامهـا مـا توكّـل عيـش باكتبهـا
واغمّس العيش في جوعي وفي فقري
واملا الفراغـات باعمـق مايناسبهـا
اخطيت م اخطيت تبقى لغـز ياعـذري
كل السوالف "افا" لـو جيـت ارتبهـا
تضيع بين ال متى وال كيف وال مدري
والحب حاله.. تمـر البـال واشطبهـا
من داخلي لين يتكسر قفـص صـدري
ياالكذبه اللـي عجـز قلبـي يكذّبهـا
الين ضاقت عروقه وانخنـق صبـري
الـى متـى والذنـوب تمـر واذنبهـا
والى متى والفرج ماهو علـى خبـري
والى متـى دنيتـي تعقـد حواجبهـا
سنين ما لونت بسمـه علـى ثغـري
خسرت يامـا كثيـر اشيـاء حاسبهـا
وكسبت لحظة ندم سالت على حبـري
ومادامهـا ماتوكّـل عيـش باكتبهـا
واغمّس الشعر في جوعي وفي فقـري

دمتم بخير