رد: الزواج في مملكتنا الغالية اصبح (....) لمعرفة ما الفراغ فضلاً أدخل الموضوع
المشكله انا انسانه افكر بي نفسي وبعدين افكر بي غيري
يعني لو بديكم حل راح اشوف هل انا راح ارضى بيه ولالا؟؟
انا انسانه مستحيل ارضى اتزوج مع عروسه ثانيه
زواجي ليا انا لوحدي وبس ما ارضى احد يشاركني فيه
مثلاً يعني في بعض الناس يختصرو الطريق ويزوجو اولادهم 2 او 3 في يوم واحد
يعني ممكن مثلاً 2 اصحاب يتزوجو في يوم واحد <اقتراح
والتكاليف نص بالنص
هذا حل
----------
وممكن في حل ثاني
2 اصحاب ياخذو شقه وحده ويقسموها على شقتين ويسير الايجار حقهم واحد <بس انا ما ارضى اعيش كذا بس اكيد في غيري يرضو
---------
وممكن كمان تعرفو اقولكم عن حاجه
انا اختي اتزوجت واحد من بعيد مره يعني مو من قرايبنا
وبعدين تقول لما راحت وشافت قرايبو واتعرفت عليهم
تقول اكتشفت انهم يعني لما يزوجو بناتهم كل اب يخلي ارض لبنتو لما بتتزوج تبني بيت وتسكن فيه <ممكن الشباب يروحو يتزوجو بنات من هناك ويسير ضامن بيت ملك بدل سلخ الايجارات
--------
انا عن نفسي ابويا يدي اخواتي اذا مثلاً وحده زوجها ما يقدر يوفر لنفسو بيت ملك يديه شقه <بس انا ما ارضى اتزوج شخص يعتمد على اللي عندي
ممكن صح اتزوج واحد ما عندو بيت ونسكن في شقه من عند ابويا بس ما تزيد عن 4 سنين وبعدين نروح بيت ملك لانو اذا زاد عن كذا انا حعتبرو شخص اتكالي وما يعتمد على نفسو وغلطان اللي يديه وجه
وكمان ياليت كل الريجال كذا يدو بناتهم بيوت اذا عندهم مو يخلو المسكين ولد الناس يكرف واخرتها يلاقي الايجارات سلخ
-------------
وفي كمان دحين فلل جاهزه مقسومه نصين للبيع
هاذي ممكن اثنين اخوان او اصحاب يشتروها ويعيشو فيها
-------------
وكمان الناس اللي لازم هديه لامها وهديه لابوها وهديه لجدتها وهديه لعمتها وهديه لاخوها وهديه لاختها وهديه لجارتها وهديه لشغالتها
خيرررررررر
انا بتزوجك ولا بتزوج العيله كلها؟؟؟؟
بجد سخاااااااااااااااافه يا ناس
------------
وبعدين اكمل الباقي حلقي جفففففففففف
|