[سكووت]

الاحق بالوظيفة إن شاء الله يحصل عليها سواء غير سعودي او سعودي .. وصرآحة الكل يعرف و خصوصا عندنا بالجامعة فرق شاسع في الذمة والضمير والانضباط التام في الدكاترة الغير سعوديين و العكس عند الدكاترة السعوديين (لا اعمم ) ويجي واحد راسب و يبغى يندف ؟ ليه ماتذاكر ؟كيف تبغى الاستاذ ينجحك وانت ما تستحق النجاح و يقارنك بطالب مجتهد !!!!

وخلونا صريحين , الغير سعوديين هم اللي بنوا اغلب البلد , سعوديين حيرضو يشتغلوا بمحطة بنزين ؟ولا ورشة ؟قليل جدا .. لولا الهنود كان شغلنا واقف ..
وبرضو دوبها فترة 5 سنوات وبدأ التقبل لرؤوية السعودي يعمل في المول او المطاعم ولا زمان كان يقول انا سعودي اشتغل هنا !!!
ابسط شي اي محل عطور , اللبناني يشتغل بذمة و اسلوب لبق ,اما الباقي لا تعليق و برضو لا اعمم..
مشكلتنا نبغى نتخرج و نصير بالوزارة على طول , راتب وقدره ,ومكتب فخم ,بدون تعب ,ونحسد الغير عشان مجتهدين و منضبطين ,و احنا نتعالى في التعامل مع الزباين ..

يجي واحد معدلو 2 و يبغى مكتب بشركة و سيارة و شقة وووو, و يحسد الغير سعودي عشان مجتهد اكثر !!

و برضو ما اعمم و ما ننسى انو لكل مجتهد نصيب سواء بجواز اخضر او بدون ..