[الدُنيا مدرسة]

أخيرآً نزلت القصيدة اللي من زمااان بنزلها فنبض الحروف,,
هيا صح مكتوبة من سنتين تقريباً,,
بس مازلت أردد بعض أبياتها..
يمكن عشان الموقف اللي حصل وخلاني أكتب الأبيات هذي أثر فيني شوي..
بس مهما كان لابد من الروغان عن الحقيقة لأنو كما يقال.. أعذب الشعر أكذبة
وبنظري الشاعر يكذب الكذبة ويصدقها :)
واللي يقرا أبياتي يلاحظ إن الكلام موجه لشخص.. وانا سبق وقلت إني لم يسبق وأن أكتب له..
أحيانا أكتب لصديقاتي ومع ذلك استخدم نفس الأسلوب..
تقريبا ماصرت أكتب كثير~
آخر قصيدة كتبتها هي اللي نزلتها فنبض آخر رمضان "وش ينفع الدمع دامه له غلا ثاني"
بس وربي كرهت هالقصيدة كره غريب لدرجة اني ما ابغى أحد يرد عليها ويرتفع الموضوع..
لأنها سببت لي أزمة مع أغلى صديقة فحياتي.. :(
واليوم فتحت مجلد مدونتي اللي فجهازي واخترت هذي..
مع اني ماكنت بنزلها هاليومين
لأني أحس القسم ناايم شوي مدري ليش..
أبغاه يكون أكشن زي فرمضان من قبل الفجر وبعد :)
أعجبني موضوع اللغز اليوم وأتمنى تكثيف الألغاز لأنها مواضيع تفاعلية وبتزيد من نشاط القسم..
كمان نفسي ينفتح موضوع محاورة شعرية يحددون فيها اثنين من شعراء نبض الحروف ويختارون مواضيع ويكتبون حولها..
نفسي فهالشيء والله بس ما أرشح نفسي للبدء بالفكرة لأن النبض فيه شعراء مبدعين ما شاء الله ..
عندي ملاحظة بسيطة في الردود..
أحس المجاااملاات تطغى ع ردودنا لدرجة إنو مافي نقد! لييش؟
كثيير عندهم المقدرة ع النقد اللي يثري الكاتب بالمعلومات فليش يبخلون بانتقاداتهم..
النقد إذا كان هادف ويفيد صاحب الموضوع ومافيه أي تجريح أو تنقيص من شأن الكاتب فهو مطلوب..
قسم نبض الحروف قسم جميل جدا بشعراءه ورواده..
وكل جميل نراه ماهو إلا ثمره من ثمرات مشرفتنا المتميزة رغودة.. فعلاً هي مهتمة بالقسم الله يقويها..
أحس إني طولت بالكلام مدري اش اللي وصلني لرغوده ههههه..
وأحس إني طولت عن المدونة وكمان حطول لأن ماعندي شيء أضيفة هاليومين..
وللأمانة أدخل قسم المدونات أحيانا عشان أقرا بعض المدونات لأنها فعلا تستحق القراءة..
وبعض المدونات أا متأكدة انها رائعة بروعة اصحابها بس قراءتي المستمرة لـ مدونة ملووكة
ومصرة ع قراري .. مدونة قولد فيها الكثير من الكلمات اللي تشدني.. وأمير القلوب مدونته رائعة كمان..
ولا تهون سنفورة..
الله ياسنفورة وصلنا عندك هههههه
لو أجلس أكتب ماخلصت كلامي دائما كثير وطويل..

"سبحآنك اللهم وبحمدكـ ,, أشهد أن لآ إله إلا أنت,, أستغفــركـ و أتووب إليكـ "