أنا اخذهـ معها يوم الاربعاء ..
طلبت مننا كراسه كانسون a3 ( يعني الورق حقها يكون متين شويه .. وحجمها أكبر من الي دايم )
و مرسام ومساحه ..
ومسطرة يكون حجمها نفس حجم الكراسه .. ومثلث ويكون كمان نفس حجمهم
وتقول انه المثلث لو يكون من جوا فيه مربعات يكون أحسن .. بس لو ما حصلتي مو مشكلة ..
وتقول تبغى ملف عشان تحطي الواجبات فيه ..
.. .. ..
وأعطتنا واجب .. بس انتي تأكدي من صحباتك .. لأنو انا يوم الأربعاء مو السبت ..
تسوي بحث عن ثلاثه مواضيع .. وكل موضوع تكتبي عنو ثلاثه اسطر او اربعه ..
وتكون الكتابة بخط يدك مو بالكمبيوتر ..
1- مفهوم المسكن أو السكن ..
2- مفهوم الأثاث في المسكن ..
3- مفهوم التصميم الداخلي للمسكن ..
ونصحتنا بالبحث في هاذي المواقع ..
منتدى مهندسين العرب - موسوعه ويكيبيديا - منتدى المصممين ..
وقالت انو في مكتبه خاصه للقسم ذا فيه كتب مفيدة كثيرة ..
في مبنى 41 .. بس مدري وين بالضبط الي يعرف ياليت يفيدنا ..
.. .. ..
اتمنى إني أفدتك ..
ويا حربية شكرآآ ع المقرر .. الله يسعدك كنت أدور عنو