منتديات سكاو - عرض مشاركة واحدة

Anda · 25-09-2011, 01:37 AM

شكراً أختي فاقدة أبوها على الموضوع المهم...
أنا عن نفسي أختلف معاكم في الرأي ( علمًا إني بقول رأيي الشخصي المتواضع مو فتوى نقرتين لعرض الصورة في صفحة مستقلة

) المهم أنا من حيث المبدأ ضد أصلاً إني أدخل البيت أحد ما أعرفه ... خلاص من عند الباب و حتى لو طلب أعتذر بأي طريقة مرأة أو رجل و دايم أهلي يدخلوا و أجلس أحذرهم إلى ما يتركوا هذا الموضوع...
و غير كذا أشوف إذا الإنسان حابب يتصدق ليش ما يبحث عن المحتاجين الحقيقين الي نفسهم عفيفة و مايسألوا ترى في بلدنا في أسر كثيرة فقيرة ومحتاجة لكن غير متسولين أليس هم أولى؟ يعني انا مرة رحت زيارة لرباط في جدة مع الجامعة صراحة صدمت لمستوى الفقر الي عايشين فيه سكن يفتقد لكل المقومات الطعام قليل وهم كبار سن العلاج غير متوفر مو هم أولى من المتسولين الي بعضهم أغنى مننا ( بعضهم مو الكل ) ... و بصراحة أنا هذول أعاملهم بأدب بس أشوف إن في غيرهم يستحق أكثر... غير لو صديقة أو ناس معارف نعرفهم حالتهم المادية و طلبوا هذول واجب نعطيهم.... و وكمان أقرأوا جريدة عكاظ ( صراحة مو دعاية مالي أي علاقة فيها بس توضيح لأمر) أقرأوها كل جمعة تكون صفحة كاملة عن المحتاجين تلاقوا قصص تقطع القلب ناس ما عندهم علاج و لا مأوى و إلى محتاج عملية و الي محتاج كرسي متحرك و الي مديون ومسجون ياناس مو هم أولى ؟؟؟
و في النهاية الي حابب يعطي يعطي هذا رأي فقط ...