[قصة غروب]

وعليكم السلام ورحمة الله وبركاته
او شي اختي اسال الله ان ييسرلك امرك ويشرح لك صدرك ويختارلك الخيره.
الشي الثاني ياهووو وين الحماس اللي قبل بداية الدراسه ولا كله كان كلام فاضي؟
مافينفع كذا اللحين وقت الجد لازم نثبت اننا قد المسؤوليه ومو مع اول صعوبه تواجهنا نقول مانقدر ونتذمر والكلام هذا كله!
انا ادري انك اللحين تحسي انك دايخه وماتدري وين ربك حاطك والدكاتره يدخلوا يشروحوا ويطلعوا وانتي مو فاهمه وماتدري عن ايش يتكلموا وتحسي نفسك بتعقيد غير طبيعي هذا كله ادري وربي انك تحسي فيه.
انا باقولك والله ثم والله ثم والله ان هذا الشي كله صار معاي ومع غيري كثير وصرت اقول انا ايش اللي دخلني القسم هذا انا موقده وصعب خليني ادرس بالعربي احسن لي واريح انا مو قد الشي هذا وصرت اتخااصم مع الدكاتره انهم مايعرفوا يشرحوا واحيان تكون درجات الاختبارات زي الزفت هذا كله صار معاي ومع غير كثير,لكن والله العظيم اختي الغاليه مع مرور الوقت بدت توضح لي بعض الاشياء وصرت افهم شوي وااذاكر شوي واضغط ع نفسي الى ماصار الوضع عادي والحمدلله.
والمواد اللي تشوفي نفسك فيها صعبه انتي لاتحطي ف بالك انك مابتفهمي الماده لانه مهما سويتي ماراح تفهميها ولا راح تستوعبيها طالما انتي ماعندك رغبه لها وبالرغم من ان الماده والله تكوون جدا سهله وحلوه.
المواد او المواضيع اللي تشوفي نفسك مو فاهمتها اتجمعوا مع بنات ثالث او حتى روحو للدكاتره مكاتبهم وصدقيني والله كل شي بيكون تماام صدقيني.
وانتي اللحين ممكن تكون دخلتي القسم وتقولي ف نفسك انا ايش اللي جابني هنا او مو مقتنعه باقولك والله في ناس الى السنه الثالثه وهم مو مقتنعين لكن لما اتعمقوا ف المواد وشافو متعة التخصص وجربوا الشغل وربي قالوا احنا كيف كنا نقول كلام زي كذا من اول وانتي اللحين الترم هذا ممكن تواجهي صعوبه لان مواد عامه وشوي صعبه ف الفسيولوجي والاناتومي والبايو كمستري لكن بس يجي الترم الثاني يصير كل شي عند الكلية والدكاتره يعرفونكم وراح تحبووونهم بالمره واسالتهم سهله ويوفروا كل شي علشان ترتااحوا الصراحه لانهم حاسيين فيكم مو زي المواد العامه.
الترم الثاني كمان بتدرسي مواد حلوه مرره روعه وبتستمتعي فيها وان شاء الله اذا الله كتبلك وكملتي ف الكلية راح تتذكري كلامي وتدعيلي.
اختي الله يسعدك لاتاخذي قرار اللحين وانتي حتى ماعشتي شهر ف الكلية وتاخذي قرار ممكن ياثر عليكي بعدين هذي اشوفها شوي صعبه.
اتعوذي من الشيطان بس وخذي الامووور ببساطه وصدقيني الاموور بتكون من احسن مايكون
وحطي ف باااالك ان كلنا كنا زي واللحين الحمدلله وربي صار التخصص بالنسبه لي جزء من حياتي ومره مستمتع فيه انا وغيري كثيييييييييير وصرنا medical lab technologist for ever and what ever.
ربي يوووفقك ويسعدك.
تحياتي