انتي تبين تقهريني ؟؟؟؟
حرام عليكي يااابنت والله حرام جبتي معدل في التحضيري ودخلتي احلى كليه في الجامعه والحين تبين تحولين ؟؟
بعد تعبك وكرفك في التحضيري تبين تحولين ؟؟
بعد احلامك وطموحك تبين تحولين ؟؟ بعد ماااحققتي حلمك وربي كتب لك كل خير الحين تبين تحولين ؟؟
وتحولين فين انشاءالله ؟؟
حاااسب او تربيه خاصه او علوم
ترا لعلمك انا الحين مااجبت معدل يدخلني هالكليه والحين بحاول اجيب 5 من 5 الترم الاول والثاني عشان اطلب تحويل
شوفي بتروح سنه من عمري في الاحياء عشان بس اجي هالكليه ,, وانتي جاتك على طبق من ذهب وتبين تحولين ترا راح تجيبي لي السكر وانتي السبب
ولعلمك مااجاملك ولا شي والله والله والله لو جبت في التحضيري معدل 5 من 5 وربي اول رغبه وبدون تفكير ادخل علوم طبيه
لانه سنواته قليل وحلو ومستقبله مضمون
وعشااان مااحمسك قبل يومين اخذنا محاضرة امن وسلامه وربي مااكذب عليك
تقولنا الدكتورة مين دخلت كليه العلوم برضاها ونحن 40 طالبه ,, طالبتين بس دخلوا برضاهم
ورجعت سألت بنت بنت قالت انتي فين كنتي تبين تدخلين
والله يااعسسل كل البنات يبون علوم طبيه قليل مرررا يبغوا طب
الاغلبيه علوم طبيه وانتي حرام عليكي تبين تضيعينها من يدك
انا ماااعرفك بس انقهر لما اشوف وحده داخله تخصص حلو ومن جامعه حكوميه مثل عزوز والحين تبي تحول ,, الحين البنات يدفعوا 50 و 60 االف عشان يدخلوا تخصصات طبيه وكمان جامعات اهليه مستقبل مو مضمون ,,, انا قبل يومين جاتني منحه للطب في البترجي رفضتها عارفه ليه
لاني ماابي اضيع 7 سنين على مستقبل الله واعلم كيف ,,ولو يخيروني بين تمريض في عزرز او طب بشري في جاامعه اهليه بدون تفكير اختار تمريض عارفه ليه
لانه يكفي اني اكون متخرجه من جامعه حكوميه ومستقبلي مضمون
وبالنسبه انك مو عاارفه شي كلنا كذا ,, فاكرة التحضيري انا لحد اخر الترم الاول كنت ابغا احول مسار اداري لاني شفت كل شي انجلش ومااحد يشرح عدل ومااكنت اعرف شي في الجامعه
بس الحمدالله الترم الثاني تعودت ومشيت والحمدالله الحين احمد ربي مليون مرة اني مااحولت
انتي اجلسي مع البنات الي معاك مثل ماقال اخونا قصه غروب الله يجزاه خير وارجعي البيت وريحي ساااعتين واجلسي ذاكري لحد 10 او 11 الليل ورجعي نامي
ولاتذاكري فترة متواصله ,,واول مااايأذن ادعي ربك انه يكتب لك الخير وصلي الصلاه بوقتها وطول الوقت كل مااتشوفي نفسك متضايقه ادعي ربك وانا بعد بدعيلك
الله يوفقك يااااااااااااااارب وينور طريقك