[Blue Note]

أولا
اللي مفروض يكون مسموح في جامعاتنا( كمجتمع نسائي)
هي بناطيل الجيب كلوت واللي مايعرفها هي البناطيل الواسعه اللي كنها تنورة
أشوف أنها عمليه ومريحه وشيك.
والتنانير الطويله طبعا.
والتنانير اللي الي لتحت الركبه مافيها مشكلها.. يعني وشو اللي عندها ماهو بعندك رجول ولا اذا بانت ركبتها شوي ركبه يعني وليش تقعدي تطالعي كأنه شي غريب تراها بنت زيك زيها واللي كشفته ماهو صدرها أو شي ثاني سيقان ماهيب فخوذ يعني صراحه عيب كذا تفكير ...ترا سيقان زي الايدين مهوب شي عيب ولا من المفاتن
واللي تقول يغمى عليها وينكشف المستور يعني هذا ماراح يحصل للي لابسه تنوره طويله ممكن تطيح طيحه قويه ويسير نفس الشي وبعد اللي بتلبس كذا شي تلبس تحته شورت طويل أذا خايفه تطيح وتفكر هالتفكير وأنتهت المشكله وترا التنوره اللي تحت الركبه تراها زي رسمي لحد يقولي ماهو لبس ينلبس في الجامعه في تنانير منها رسميه وحلوه

وبعدين ترا الصيف حر حررررررررررررررر وبالنسبه للي كاتبه جده مو حر جده حر ورطوبه حتى ماشفت عندكم برد يعني شتاكم بالنسبه لشتا باقي مدن المملكه ولاشي ياحبكم لتكمكم

وبعدين اللي يقولون مقزز ومقرف والمفردات ذي صراحه مدري أش المقزز في الموضوع كل وحده تروح بيتها وتطالع في رجولها وتسأل نفسها أش المقزز لأني للحين ماعرف وشهو المقزز بالموضوع ولا تقصدون اللي فيها لحم يعني (المتينات )مثلا لأني والله ماعرفت للحين جلست أفكر اش تقصدون بالمقزز وأحترت صراحه ياجماعه تراها سيقان سيقان وركبه مو فخوذ أو شي ثاني
وبالنسبه أذا الجامعه ناويه تسمح بذي التنانير ياليت يحطون معاها نظام العبايه اللي تنلبس زي الثوب عشان بعض البنات الله يهديهم مايطلعون بهالمنظر في الشارع بعبايات مفتحه
أظن كذا سديت كل أعذاركم لأنها صراحه ماتصلح ألا اذا كان معانا شباب في الجامعه ترانا بنات روقونا شوي.

أما عن قائمه الممنوعات اللي مفروض تكون في الجامعه
البلوزه الكت والتوب والبطون المكشوفه.
والشفاف ترا ماله داعي طبعا أنا أكتلم عن الشفاف الشفاف مو وحده تشوف بلوزه بيضا وتقول شفاف
والتنانير الي فوق الركبه.
والبنطلونات العاديه والسكني.
أمانه بنات اللي تلبسون سكني يعني ماعندكم صاحبات أو أهل تلبسون عندهم ذا الشغلات.. يعني هذا مو زي تجي فيه الوحده الجامعه خلوها لطلعاتكم العاديه,يعني مانفسكم تحسون أنكم جاين جامعه,وش تحسون فيه.. يا ماما صدقيني كل شي بمكانه حلو .

وبالنسبه للبويات ترا أنتو لمن تعطون وجه وتسوو لهم هيبه وكذا ترا ذا الشي يشجعهم.. يعني بليز نظرة أزدراء هذي كفايه عليهم وبس ..صراحه أنتو اللي تعطونهم وجه فعشان كذا تخافون منهم كأنهم شباب معكم في الجامعه طنشوهم هم ناس مريضه نفسيا وصدقوني لو مانفختو صدورهم ماكانو بهالطريقه بجحات هذولا الناس كان منغلقين وانتو اللي عطتوهم وجه أقول عيشو حياتكم طنشوهم حسسوهم أنهم ولاشي في المجتمع هذا بيكون له أثر نفسي عليهم غير كذا الجامعه هي لها الدور الثاني في تربيتهم فخلوهم يتصرفون معهم وأظن التصرف الوحيد اللي ينفع معهم هو أنهم يعطونهم مواد تأنيئيه ودراسات نفسيه واذا مانفع فتدعو الجامعه الاهل عشان يعرضون عليهم أن الحل في هذا الموضوع أنهم يزوجونها هذا الحل صراحه واذا أستمرت عاد تنفصل الشكوى لله شنسويلها

وشكرا
وجهة نظر والمناقشات دايم ضد ومع وياليت ماينحذف ردي