[فاقدة أبوها]

كل الناس في الدول الثانية تاخذ بدل سكن ويعتبر حق من حقوقها إلا احنا,

وبلادنا ولله الحمد فيها من الخيرات ماالله به عليم,

حتى الأجانب اللي يشتغلوا عندنا ياخذوا بدل سكن لما الدولة ماتوفر لهم سكن,

زميلاتي الأجنبيات ياخذوا رواتب 3 أشهر كبدل سكن,
وفيه واحدة تقول لي لولا بدل السكن مااستمريت هنا لأن الراتب يروح مصاريف ومااقدر أدخر منه شي,

مو احنا أحقّ منهم وفيه كثير منّا ساكن إيجار ومتبهدل عشان الوظيفة!

والله عندنا ناس بالعمل جاية من الرياض وأبها وجيزان بس عشان الوظيفة وتعال شوف الإيجارات والسفر والنقل مايجيهم غير بعد سنين يعني حرام والله الواحد يحزن عليهم.

ويقولك رواتب السعوديين أكثر من الأجانب,

صح أكثر بس كله يروح ع الإيجار+أقساط سيارة+ بنزين+فاتورة كهربا وموية وتليفون ..الخ

بينما الأجنبي يسافر بتذكرة تدفعها الدولة واذا لم يؤمّن السكن ياخذ بدل سكن وبدل معيشة كمان!

ولا احنا زي شجرة الدوم ظلها دايما لبعيد !

مو حسد والعياذ بالله لكن دائما ابن البلد أولى .

واذا على غلاء الأسعار فالمفروض تكون فيه مراقبة مستمرة له من قِبل وزارة التجارة,

واستنوا كمان شوية على بداية السنة الجديدة ان شاءالله لما تنزل إعانة العاطلين شوفوا كيف راح تكون الأسعار.


ان شاءالله يحنّوا علينا أعضاء مجلس الشورى ويوافقوا مع اني مو متوقعة لأنهم مو حاسين بمعاناة الناس.


كلامي طالع بقهر بس والله من الواقع اللي اشوفه .

يعطيك العافية أخي صقر.