[سكون الورد k.a.u]

المشاركة الأصلية كتبت بواسطة قلبي أماراتي اخوي الفيصل أتعارض معاك في عدة نقاط أولا كلمه قبل البدايه انك إنسان متدين لايعني انك تتشدد ديننا الاسلامي أرقى الاديان دينا الاسلامي هو الدين الي نفى الطبقيه والجهل واحتقار وامتهان المرأه انت حسستني ان الرجال كلهم متبعين نهج الرسول عليه الصلاة والسلام في التعامل وارض الواقع يبرهن الاحتقار والامتهان الي قاعد يصير مابطول ببدأ بالرد على الظوابط الشرعيه 1- الوكيل الشرعي مالزمه ربي علينا وكم بلاوي تصير من الوكلاء حتى لو كان اب او اخ اخوي الاسلام اكد احترام شخصية المرأة المعنوية وسواها بالرجل في أهلية الوجوب والأداء، وأثبت لها حقها في التصرف ومباشرة جميع العقود كحق البيع، وحق الشراء وما إلى ذلك، وكل هذه الحقوق المدنية واجبة النفاذ، وللمرأة حرية التصرف في هذه الأمور بالشكل الذي تريده، دون أية قيود تقيد حريتها في التصرف، سوى القيد الذي يقيد الرجل نفسه فيها، ألا وهو قيد المبدأ العام، أن لا تصدم الحرية بالحق أو الخير. قال تبارك وتعالى(لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْن) ثانياً: أختلاط المرأة لايعني كسرها لظوابط الشرعيه اذا كانت ملتزمة بحجابها وبدون خلوة محرمة وبدون الخضوع فالقول فيباح لها العمل كما أن صوت المرأة ليس بعورة لقول الله تعالى:( فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً ) ثالثاً : دخول المرأه لمجلس الشورى حق من حقوقها وكانت المرأة في عهد الرسول عليه افضل الصلاو وأزكى التسليم يستشار برأيها والدليل أخذه برأي أم سلمة في الحديبيه .. وايضا ابنه شعيب علية السلام حينما قالت لابيها ( يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ ) واخذ والدها بمشورتها. لكن للأسف الاحاديث الي الشباب يرددوها فقط هي التي تسيء للمرأة وقد ثبت انها أحاديث موضوعه مثل شاوروهن وخالفوهن و (من أطاع امرأته كبه الله عز وجل في النار على وجهه.) و( من أطع النساء فقد هلك. ) سؤال: القرارات التي تفضلت بذكرها لم تطبق فكيف حكمت أنها ليست وفق الضوابط الشرعيه؟ سؤال آخر: هل الوضع الحالي للمرأة في المجتمع هو وفق الضوابط الشرعيه فنحن نرى اليوم الكثير من المتبرجات والمخالفات للشريعه الاسلاميه من قبل ان يصدر القرار ؟ سؤال أخير: هل ذهاب المرأة مع السائق الأجنبي وفق الضوابط الشرعيه التي انزلها الله عزوجل لماذا نبيح الخلوة وهي محرمه والدليل انه ثبت عن النبي صلى الله عليه وسلم أنه قال: لا يخلون رجل بامرأة إلا مع ذي محرم. ؟ تقبل مروري وأعذرني للأطاله اتقبل وجهة نظرك اخوي

ابـــداااااع ردك ياغاليه .. عسى ربي يحفظك

اخوي الفيصل : ليش كل الوقت نقول حرام حرام حرام ... وحنا ماحنا عارفين وش السالفه ... هيئة كبار العلماء ماراح يسمحون بأي خلل ديني او خلوه او او او في المجلسين اللي رُشحت لهن المرأهـ وحنا ببلاد الحرمين وقبلة المسلمين ، وغير كذا اعرافنا وعوائدنا وعقائدنا وكل شي يمنع قبول الدنس والعار على بناتنا فأكيد به امور راح يرتبونها ويضبطونها لدخول المرأه للمجلس بدينها وكرامتها وشرفها ..
يعني ليه عاااادين المرأهـ فقط (زوجه تلبي طلبات الزوج والأبناء والمنزل) !!! المرأهـ لها كيانها ، ليه بس شايفين انه مايصلح تصير غير معلمه وعار لو صارت دكتوره او اخصائيه او مهندسه او محاميه ... الخ

انا من الناس اللي معارضين السواقه ، ومعارضين دخول المرأه للمجلسين لاسباب بمنظوري الخاص

.. لكني علقت بكلامي اعلاهـ بس علشان حسيت بكلامك اخوي الفيصل انه انت محرم كل شي على المرأه وتبيها في البيت ! وهالشي حسيت به احساس العنجهيه المتشدده وليس الوسطيه، يعني الغلط اللي بتشوفه في وجود المرأه بالمجلس هو (الاختلاط) ..
طيب وش تقول بالدكتورهـ اللي مختلطه بالرجال بالمستشفى ؟؟؟؟؟؟ بتوافق على وحده من محارمك تدرس طب وتخالط ؟؟؟ لاااااا طبعاً ماراح توافق ، بالوقت اللي لو انت متزوج وزوجتك امرضت او انها تبي تراجع الطب في امورها النسائيه راااح تحوووف المستشفى حوووف تدور على طبيبه وليس طبيب !!! بالرغم من انك ماتبي هالشي ؟؟ طيب شلووون تدوره ؟؟
قس هالأمر على الشورى ، النساء بمجتمعنا ضايعات وسط الرجال ، امور كثيره وافقه للنساء ويبيلها إمرأهـ تحركها وتطالب بهاااا ...
اما بخصوص العلمانييين واللبراليين اللي يدورون تكشف المرأه ، فتطمن اخوي الفيصل مالهم مدخال من هالمدخل ابد .. لان العيون كلها بتكون على وضع المرأهـ هل هو وفق الضوابط الشرعيه ولا لأ ؟؟ ولاتنسى حنا شعب محافظ متدين مانرضى بالدنس وماعندنا اختلاط علني صريح الا بمجالات معدوده كالطب وغيره .. وماراح يسوون اي شي يخلي البلد تهيج عليهم بسبب غيرتهم على عرض الجمهور

دمتم بود