[Dr.Passed]

دكتور محمد أنا الي فهمتو انو الأخ بيسأل الي الإنجلش حقو ضعيف كيف يمشي
---
مو لازم انجليزيتك تكون كويسه عشان تمشي في الطب..اصلا لو كان الطب عربي امكن يكون اصعب ترا...انت لاتفكر اووو لاااا انجليزي كلو صعب..بالعكس شويه شويه حبه حبه تلاقي نفسك مشيت إن شاء الله ولغتك اتحسنت...شوف افلام كتير ومحادثات دائماً اقرا كتييييييير جيب جرايد انجليزيه وأقعد اكتب والأفلام اتفرجها من غير ترجمه...صدقني هادي ألطريقه الصحيحه جرب كده فتره وحتشوف الفرق..

و زي ما قلتلك حتمشي إن شاء الله في الدراسه بس انت لا تستصعب الموضوع الإنجليزي مرررررره سهل ويمديك تلقطو بسرعه من جد

ركز في المحاضرات واسمع مزبوط واشر في أوراقك واكتب مع الدكتور وخد فيتمينات وحديد ونظم وقتك...و إن شاء الله مع الإصرار والإشتهاد ميكون عندك مشكله..

ازا حتشيل هم اللغه هادا بعدين لمن يسير عندك مؤتمرات ودورات واشياء لازم تتكلم بس لسا دا مو دحين عندك وقت تتحسن..الانجليزي اسهل لغات العالم