~*~ ملكة الليل ~*~
يعطيج العآفيه ع الطرح الترتوبي
أبدأ إجاباتي..
1- ماهي نقطة ضعفك؟
الخوف من الحيوانات كلها
اليووووع
2- ماهي أصعب كلمة ممكن أن تقولها لأي شخص؟
قدر الأمكان أتحآشى اقول كلام صعب
وبالنسبة للحياتي الواقعيه مامريت بهيك موقف الحمدلله
3- ماهي مشكلة العصر في نظرك؟
ياكثرها بذكرها شوي ع سبيل المثآل
البنات الي تمشي بين المباني وعينها فالبي بي وتكتب
وماتفكر تطالع جدامها تشوف لاتصدم فحد
وقلة الوعي الديني للأسف منتشر
احتقار الجنسيات والتعرض لهم بسوء
عدم أحترام المكان المتواجدين فيه صار شي مخزي
عدم النظافه للأسف الشديد منتشر وايد
أكتفي بهذا القدر عشان مزاجي مايتعكر
4- ماهو الشيء الذي يطاردك في كل مكان وأنت تهرب منة؟
الزواج
5- هل تمنيت الموت يومآ! ومتى؟
هيه نعم مرتين الأولى أول أيآم اقامتي فالمملكه مارمت أتآقلم بدون الاهل
الثآنيه يوم انقبلت بجامعه عزوز
6- ماهي الطريقة التي تعبر فيها عن غضبك؟
ع حسب الموضوع إذا غبي أسكت وأضحك
ولو يستاهل نقاش اناقش بس ماحب الصياح مول
7- هل إسمك المستعار قريب من شخصيتك؟
( قلبي إمآراتي ) هوفعلاً أنـــآ تمـاماً
9- متى تكذب؟
اذا بصلح بين امي وابوي اقص عليهم
اكثر شي وقت الصلح وفي حالآت إستثنائيه
مثـلاً شليت شي من أغراض اختي ويوم تسأل
اقولها ماعرف هههههههه لانها ماتسكت
في الجامعه لو حددوا وقت اختبار وكان فيه تعارض
اقولها عندي 3 امتحانات فنفس اليوم
<<بس مرة وحده سويتها
10- ماذا تفعل لو قال شخص أنة يكرهك؟
أحترم هذا الشخص اذا قالها واشكره جداً
لاني ماحب حد يتعامل وياي وهو من داخل يكرهني
11- لو أنت مخير أن يكسر أحد الأمرين
(كرامتك) أو (قلبك) ماذا تختار؟؟؟
مـآسمح ولا واحد فيهم ينكسر ،أفضل الموت على ان يكسر قلبي أو كرامتي
12- لمن تهدي ثقتك؟
امآيه،ولد عمي ،أخوي
13- هل تغفر لمن خانك أو كذب عليك ؟
شي أكيد.. (ومازاد الله عبداً بعفوا إلآ عزاً)
14- ماهو شعارك في الحياة؟
الكفآح والعمل إلى الموت
15- من الشخص الذي ممكن تضعف أمامة؟
لله وحده
اما لو ع شخص فدنيا ماتوقع
16- من أكثر شخص يخاف عليك !وأكثر شخص تخاف منة؟
مابحدد حد معين عسب ماظلم بس كل هلي وأقاربي يخافون علي
اخاف من الله وحده
اما الباقين يخافون مني لاني دلوعة أبوي
17- مالشيء الذي يمكن أن يبكيك؟
أي شي يبكيني خصوصاً لوكان شي محزن أو يتيم او عامل نظافة
او حتى اسمع قصه عن سير الصحابة والرسول عليه الصلاة والسلام
فيوم كنا متيمعين وعمي صرخ ع ولده انآ سيدة تميت أصيح
والياهل يضحك لان أبوة يصارخ هههههههههه
عسب جيه الاهل دوم يتمصخرون علي
18- هل وجدت أحد قريب من شخصيتك في المنتدى؟
هيه
د.نورهـ أختي وربيعتي
من معرفتي فيها احسها قريبة ع افكاري وشخصيتي والى الان
عمرنا ماختلفنا في وجه نظر وإن شاء الله دوم تستمر اخوتي فيها
سنفورة موت وبنت ابوها ومصره في شوي اشياء مشتركه بينا
ربي يحفظهن ويديم اخوتنا ورباعتنا يارب
19- لمن تقول "stop"وقًف مكانك؟
لكل مفسد في الأرض
20- ماذا علمتك الحياة؟
أشياء وايدبس أسوأ شي يمكن تعلمته
أني بفترة بطلت انهى عن المنكر بعد موقفين اليمين بقوة
لكن الحمدلله بدأت ارد شرات قبل
بس ناس ماقامت تستحي ماعيبتك النصيحة لاتسب
اشياء ايجايبيه وايد بس ابا اسير أكل يوعتيني هههههههه
وانا مخي مايشتغل ابد مع اليوع
مشكورة غناتي ع الطرح
وتقبلي مروري
\
تحيتي