[غدر الايام]

السلام عليكم
ابغى اقول مشكلتي وماابغى منكم الا انكم تنصفوني مالي غيركم
ماعندي احد اشكيله همي
مشكلتي انه محد يحبني ومحد يفهمني مهما يكون تصرفي خير او شر مايعجب احد
ماعندي صديقات ولا حتى قريبات ف سني اغلب وقتي جالسه لحالي كان عندي صديقه بس تفارقنا انا وهي
لان كل همها مااغلط بحق اي احد ولا ادافع حتى عن نفسي حتى لما اي وحده من صديقاتها تغلط بحقي وارد بأي كلمه تسبني
وتجرحني ماتبيني ادافع عن نفسي بأي شكل
المشكله اني طيبه وحنونه بس مااحب اي احد يغلط بحقي
صح اني عصبيه شوي بس مو انا الوحيده اللي اعصب كل الناس تعصب وانا اذا زعلت من احد وغلطت بحقه ارجع اعتذر منه واتحسف
نفسي يكون عندي صديقه تبرد قلبي وتحبني بكل صدق وتحب لي الخير ورغم اني اشوف نفسي طبيعيه الا اني اسمعهم دايم يقولوا عني مجنونه
لاني من سنين كانت نفسيتي تعبانه بس انا ألحين بخير الحمدلله تصوروا صديقتي اللي ذكرتها قبل شوي هي اكثر وحده تعرف وش كثر اتضايق اذا سمعت هالكلمه
ودايم اشكيلها والمصيبه قبل فتره جات قالتلي الكل يقول عنك مريضه نفسيا وانا شكلي بصدقهم
وربي جرحتني حيل ماتوقعت اني ممكن اسمعها منها لاني حيل احبها ومااحب ازعلها
وربي كل ماافتكر كلامها ابكي وألحين تفارقنا انا وهي لأسباب جدا تافهه بس هي طلبت فراقي وانا ماترددت لاني ماعاد ارتاح معاها كل همها صديقاتها ورضاهم
وانا ماقد دافعت عني ولا قد وقفت معي حتى بأوقات مرضي ماتتصل تسأل عني
ونادرا ماتتصل فيني انا اللي دايم اتصل فيها بجد تعبت
ماعندي ولا نص صديقه
ونفسيتي زفت حتى بالجامعه مااعرف احد بجد وش تنصحوني فيه الوحده ذبحتني
ومهما شغلت نفسي الا مايكون عندي وقت فراغ ومافي اي احد يقدر يعيش بدون شخص يكون قريب منه يسمع له ويفهمه
اسفه طولت بالكلام بس والله مهمومه وماعندي غيركم ..