[فندام]

كما هو موضح بالعنوان رسوم ماجستير المحاسبة المهنية حيتم رفعها من 72000 الى 96000 العام القادم وهدي المعلومة مصدرها مشرف البرنامج الكتور صالح السعد يعني الزيادة حتكون 24000 ريال مرة وحدة يعني بنسبة 33% صراحة زيادة مو طبيعية ولا منطقية ابدا لكن عاد المخرج بدو كدا على قولهم فلو مارجعت المنحة الملكية ما استبعد انو عدد المتقدمين للبرنامج العام حيكون اقل من عدد المقاعد المتاحة لاول مرة منذ بداية البرنامج في عام 1426هـ لأانو حيكون مطلوب من الطالب انو يدفع مبلغ 24000 ريال كل فصل دراسي ومبلغ زي هدا ماحيقدر علية الا الأشخاص ذوي الدخول المرتفعة او الي يكون محوش مبلغ معتبر ومستعد انو يدفعو للدراسة بالبرنامج اما غير كدا فأعتقد انو الدراسة بالبرنامج حتكون جدا صعبة
وهنا بدي اطمن زملائنا طلاب الدفعة السابعة الي انقبلو هدا العام بانو هذي الزيادة ماتشملهم لانهم قبلو بالبرنامج قبل زيادة الرسوم لكن الي حتشملهم الزيادة هما الطلاب الجدد الي حيقبلو العام القادم فالله يكون بعون الجميع