[نوفل؟؟؟]

السلام عليكم ورحمة الله
اشكركم واتمنى لكم التوفيق وعندي اقتراح ارجوا ان ينفعكم
الان لو بتجلسون تشرحون القوانين زي ماهي مكتوبه او الانواع ممكن الواحد ينساها بسرعة كبيرة لكن خلونا ناخذ مثال
يثبت ان المعلومة هذي تنطبع في النافوخ على طوووول
لو جينا نفتح كتاب الاحصاء نلقى اول صفحة تتكلم عن تعريف الاحصاء ولا يحتاج لفلسفة الكل يقدر يشرح لنفسه او يحفظه
ولو قلنا ان البيانات تنقسم الى نوعين وقريناها زي ماهو في الكتاب يمكن تنفهم ويمكن لا لكن انا رايي ان لو شرحناها بالطريقة التالية :
البانات تنقسم الى نوعين نوعية وكمية
النوعية :بيانات ماتقدر تعمل عليها عمليات جمع وطرح وقسمة مثلا بيانات الجنس (ذكر او انثى ) عشان تعرف نوعية ولا كمية تفكر فيها تقدر تقول ذكر وربع لا ولا مثلا الجنسية (امريكي -مصري ) تقدر تقول امريكي زايد شوي مصري اذا لا تعرف ان هذي بيانات نوعية حلو
طيب الكمية : بيانات تقدر تعدها وتجري عليها عمليات حسابية .
مثلا عدد افرد الاسره 5 تقدر تجري عمليه حسابية عليها مثلا تفصل الذكور عن الاناث مثلا عدد حوادث السيارات تقدر تقسمها على الشهور مثلا
والكمية هذي لها نوعين نوع كمي منفصل وكمي متصل
الكمي المنفصل باختصار ماتتجزا مثلا عدد الغرف ماتقدر تقول ثلاث غرف ونصف
الكمي المتصل تقدر تجزأها زي درجات الحرارة 3.50 المعدل الدراسي مثلا تسعة وربع من عشرة.
خلاصة الكلام ان اول مافتحت الكتاب ماعرفت كيف اذاكرواثبت المعلومة لما رجعت للمحاضرات المسجلة اكتشفت من سياق الكلام ان هذا المقصود حسب فهمي والله اعلم فحتى الدروس الثانية ارجوا ان يتم شرحها وحتى القوانين بتاني حتى تتركز المعلومة والراي لكم فاكيد فيه احد يقرا المعلومة لاول مرة ويفهما ويقدر يشرحها لزملائه وفيه واحد عقله مكربن زيي يبيله حفارات ومعدات تنقيب لتثبيت المعلومة وسلامتكم واذا وافقتوا خذوها حبة حبة عشان المكربنين المساكين الغلابة