السلام عليكم
حبه استفسر عن موعد فتح القبول لماجستير ادارة اعمال في جامعة الملك عبد العزيز حيكون في اي شهر
و بالنسبه لاختبار ستيب ايش هيا الدرجه اللي ممكن تساعدني ادخل الماستر مع العلم اني جبت اخر مره اختبرت 65
و هل عادي اذا قدمت للماجستير بعدين اختبرت الكفايات و اختبار القدرات لانه احيانا يفتح التقديم للماستر و يكون في ناس لسه مواعيد اختبارها ماجات للقدرات و الكفايات و علشان انا شايفه انو المواعيد اللي حاططها قياس دي السنه مره بعيده في شهر 3 و 7 بالنسبه للكفايات و شهر 6و7 للقدرات
و اخيرا ادعولي انقبل دي السنه لانه دي خامس مره اقدم على الماستر
|
يبدأ التقديم للسنه الجايه في شهر 3 هجري يعني بداية الترم الثاني
ودرجتك طيبه ..هم طالبين 52 كحد ادنى
بالنسبه للقدرات يفتحون احيانا اختبار استثنائي علشان التقديم واحيانا الجامعة تمدد فترة التقديم حتى ظهور نتائج قياس
سجلي في اقرب موعد لاختبار القدرات لأن الدرجة مطلوبه قبل ارسال الطلب
الله ييسر لك القبول بالماستر هالسنه
موفقه بإذن الله