السلام عليكم ...
كيفكم ياطلاب و طالبات إن شاء الله تمام
المهم أنا كنت صديقتكم و متابعتكم من يوم ما أبتدت مشكلة الأحياء
مدري ليش أحب اتليقف في قسمكم أمكن عشان القسم الأدبي نايم سؤال له يومين ولسى في أول الصفحة
المهم ... ليش النفسية عندكم نازلة من الأحياء
يأخوان في مثل يقول (
إن لم تجد ماتحب فأحب ما تجد
)
و أصلا أنتم عارفين من البداية أن العلمي صعب لكن دخلتوه عشان في طموح في بالكم
الي يبي طب أو هندسة أو حاسب
أصلا مافي شئ صعب في هذه الدنيا و مافي كمان شئ سهل
طيب أنا بقول لكم شئ
أحنا مو مثل أي دفعة أحنا دفعتنا اسمها دفعة 12 يعني مميزة >>>
لرفع المعنوية فقط 
يعني أحنا الحين أجتزنا دراسة الثانوي الي تجيب الهم و القدرات و التحصيلي
تجي هذه التحضيري و تقتل أحلامنا و الله لأذبحها قبل ماتذبحنا
أصلا بنفسه عميد الجامعة قال أنكم وصلتم لهذه المرحلة يعتبر أنجاز .. أحنا تقريبا الي في الجامعة خمس و عشرين الف شوف كم الف ما أنقبلت
يعني أحنا نخبة الطلاب و المفروض تكون فعلا قد المقعد الي انتا فيه
و انا دايما كل ما أجي بأتذمر أقول : يا بنت إذا ما أجتزت هذه المشكلة معناته ماتستحقي تكملي في هذه الجامعة أو تواصلي حلمك
بعدين في القدرات و التحصيلي كثير طلاب ماذاكروا وجابوا نتائج عالية جدا
وطلاب قطعوا الكتب و يادوب جابوا درجة
و الفرق بينهم كان النفسية
يأخوان تذكروا كلمات تومس ادسون لمن يصعب عليكم شئ قال :
إن العديد من الفاشلين في هذا العالم هم هؤلاء الأشخاص الذين لم يدركوا مدى قربهم من النجاح لحظة استسلامهم للفشل
>>> خطير يأدسون
طيب بتقولون و المطلوب أقول قسموا وقتكم و اتركوا النياحة لأهلها ترى مابيقي وقت عشان تحكوا راسكم حتى
ذاكروا كل يوم مثلا ثلث سيدلايت ومعاه جزء من مادة ثاني أو ذاكروا جزء من الأسئة مع مادة ثانية أنتم وطريقتكم
بس أهم شئ مو تقعدوا تونونو و انتم واقفين تتفرجون
"اسعَ يا عبدي واستعن بي أبارك سعيك"
"اعقلها وتوكل"
كلها تتحدث عن العمل و التوكل
و أخيرا معليش على الأسلوب الي مشي حالك بس و الله عشان علية أختبار و كتبته على السريع
و أدعولي و أنتم تذاكروا
بالتوفيق