رد: ما بعد اختبار step شهر ذوالقعدة ( نقاش الاسئلة + تجميعها + النتايج )
صباح الخير للجميع
مرررة متابعة بقوووة للصفحة هذي
بالنسبة انا اختبرت في كلية التربية واتوقع الزميلات معاي كانوا معايا
بالنسبة للقطوة ترى كانوا اكثر من وحدة بس اللي تجرأت ودخلت وحدة والباقين داخل خافوا ياقلبي ما الومهم
وبالنسبة للتعهد ياحسرة يا اختي شوفينا بالعافية نفيد بعض يعني تتوقعين ان اللي بيقرا اللي كتبناه بيعرف يحل الله يرحم حالنا بس
والله اقرا بحزن واقول ضاعت احلى سنين عمرنا واحنا ندرس كل المواد بتكثيف والانجليزي اعطونا متى على المتوسط يوم قفلت عقولنا ، تتوقعون لو الانجليزي اجباري من اول ابتداذي وجايبين لنا ناس صح وفاهمين مرة بيكون هذا مستوانا
والله من يوم تخرجت وانا بس اطامر ورا الانجليزي
من دايركت انجلش الى وول استريت الى دراسة على النت ،اتابع مسلسلات وبرامج انجليزية واقرا كتب طبعا التحسن في جوانب ايه وجوانب لا بس اقلها ادف نفسي بالمطارات وبالمطاعم وبالسفر
معلمة اختي الصغيرة تقول احسن سن لتعليم لغة اخرى من ثلاث سنوات الى ست او سبع سنوات طبعا يعني بعمر اللي بالروضة بعد هالسن يسهل عليهم استيعاب القرامر والاسئلة الاكاديمية لانهم شربوا اللغة بوقت مبكر واحنا ياقلبي من المتوسط ابعرف وش يفتح هالعقول بعذر كثيييير كارهين الانجليزي لانها جت بوقت متأخر
الخلاصة....لازم ننتبه للجيل الجاي ولا نرتكب نفس الغلطة حرام يكبروون ويدفعون ويروح وقتهم وعمرهم والنتيجة ما في انجاز
|