[ar_8]

يارب وفق الجميع

الوقت يمكن كفى للأقسام الأولى لكن يوم وصلت القسم الأخير حسيت كميه الأسئله أكثر من الوقت المعطى

القرامر يشمل if & when & do والكونتينيو سواء للباست او البريزنت .. أحسهم جابوا من الكونتينيو كثير هذا أبو ing
وبعض الإختيارات كانت مو بس للقرامر لكن كانت للفهم بس والله ناسيه الأمثله يعني اذا فاهمه الجمله حليتي صح
خالد والأندومي وطبائع البشر type A & type B
والموديرن اللي مافهتمها مضبوط
ووو نسيت الأخيره كانت لابأس بها لكن لاتخلو من التعقيد في بعض المصطلحات اللي يجيبوا لنا سؤال فيها واصلا نفس المصطلح جديد علينا والمعنى حقه أكثر حداثة منه
الله يعين
بصراحه حبيت الليسننج كان نوعا ما واضح

ايه صح بصراحه استفدت من نماذج الاسئله اللي كنت اطلع عليها بهالمنتدى ان كان لليسننج او القرامر .. صح ضاع وقتي على ابن سيناء وكلاي والتلوث وغيره لكن بصراحه مااأنكر إنه فيه اشياء بسيطه جدا جدا لاتتجاوز 5% جات من النماذج بالإختبار وإحنا بهالوقت محتاجين حتى 1 %

جزاك الله خير ياأنفاس مشرقه

وأخيرا أحب أعترف إعتراف

انا جربت الاختبار مرتين المره الاولى بالكليه وكان قمه الفوضى والازعاج والمشرفه معصبه كأنه احنا اللي غصبناها تشرف علينا وفوق ذا مافيه تعامل راقي معانا كأننا وانتوا بكرامه بهايم يهشونا هش بالأسياب وجربت اختبار الجامعه امس ارقى تعامل وهدوء الا البروده اللي صكت عضامنا والمشرفه تنبهنا كل شويه على كل نقطه

الحمدلله تجربتي اليوم احلى من الاولى ويارب النتيجه بعد ولكم ان شاء الله بالمثل