رد: اصدقاء الثانوي او الجامعه >>>الكل يتفضل
والله في هذه الايام من النادر ان تجد صديق وفي
تجربتي مع احد الاصدقاء المقربين بل دعوني اقول لكم بأخ
صديقي منذ الثانويه مررنا بمواقف جميله و صعيبه كنت انا دافور و اهو فاشل درجه اولى
انا اذاكرله و اكتبله و اغششه و اساعده و اوصله ما معه موتر تقريبا لو يطلب حياتي افديه و تخرجنا نسبتي 93 و رحت عزوز و اهو 70 و قياس 58 و تحصيلي 52
المهم ماكو جامعات اقبلته حاولت كثير لكن للاسف و الوالد يحاول يتوسطله بأشياء لكن اهو ما يبيها
و كان الصديق الوفي
المهم ابوي كلم واحد من اخوياه و حولت انا من عزوز و رحت لجامعه اخرى وهو اقبلوه معاي شنو اقبلوه تحضيري حاسب و نظم معلومات شوفوا شلون الواسطه قويه صح المهم ما قصر ابوي معاه ضبط اوضاعه
و سكنت انا وياه بشقه وحده و امورنا اوك لكن ما كان معه سياره قسم بالله كنت اسافر بسيارتي انا وياه علشان نروح المعارض يشريله سياره اقطع كيلومترات لعيونه و ليتني ما قطعتهن المهم شراله ابوه من جده و جابهل عندنا بداية الاختلاف و الله الوالد صار متغير عقب الموتر شنو هالانقلاب اللي جاء فجأه من ليله الى ليله على طول تصوروا تغير فجأه الوالد بس تمام حتى الان
خلصنا ترم و انا اللي اذاكرله و اساعده حتى الحروف الانجليزيه مو حافظها
المهم خلصنا الترم الاول اهنيه حول هو ادارة اعمال بعد انا اللي رحت اكلم الجامعه و علشان يحولونه عقب اهو راح و حولوه اهنيه التغير الثاني الرجال بدا يختلف معاي مب رفيقي الاولي
المهم صارت بينا المسافه 60 كيلو قلت له اسكن معاي قال لا ما اقدر تعب علي وهو مستاجر باليوميه تخيلوا وانا شهري قلت يا معود لا تدفع شيء بس تعال اسكن وياي بالمجان بس اريحلك قال لا ما اقدر اسكن معك المهم يوم اربعاء جاني و جلس عندي بالشقه طبعا شقتي غرفه و صاله و حمام و مطبخ و كبيره حيل المهم جلس الى الساعه 3 الفجر ثم قال بمشي يهوه على وين قال ماني متعود ارقد بهذي المدينه وهو الترم اللي طاف كله فيها
وماني متعود انام مع احد غريب حطوا تحتها 100 خط صرت انا غريب الله يالدنيا حاولت فيه لكن ماش و راح ولا عاد صار يحب يرفع ضغطي و يسوي الاشياء اللي انا ما احبها بس من شان يقهرني
المهم بعدها بأسبوع بنروح انا وياه للمدينه عند اهالينا و كنت انا تعبان حيل قلتله بروح وياك مالي خلق اروح بالحالي تعبان قال انا بطول بأخذ اكثر من اسبوع هناك قلت اوك مشينا الثلاثاء و رجعت انا السبت اخذ يومين و دق علي قلت هاه وينك قال بمدينته قلت هاه ما متى جيت قال من يوم الجمعه قلت افا وانت تقولي بتأخذ اسبوع قال بس بقهرك
قلت انزين اوريك
طولت عليكم لكن قلبي احسه محروق اقول ريتنــي ما اهتميت فيه من 6 سنين و انا وياه مع بعض و المشكله اهالينا صاروا مع بعض و هم نعرف بعض زين
لكن شنسوي ؟؟؟؟
هذي تجربه لي لكن ما اقول الا الله يهديه .
|