[وحده من الجامعة]

السلام عليكم ورحمة الله و بركاته
بنوتات كيمياء 281 كيفكم
قبل شوي أختي "وحده من الجامعه" اتفاجأت إن عندي اختبار كيمياء 281 و أنا لسا ما ذاكرت قلتلها ليش الاختبار سهل قالت البنات في المنتدى حايسين و يقولون المنهج صعب قلتلها إحنا استاذتنا قالتلنا كل تجربه إيش بيجي منها و عشان ما عندي حساب في المنتدى دخلت من حسابها عشان أفيدكم <<<< اخلصي
أول شي الاختبار عباره عن 15 فقره اختياري كل فقره بدرجه يعني المجموع 15 درجه
ثاني شي أول معمل حق الامن و السلامة مو داخل بالاختبار
ثالث شي نبدأ في التجارب:
التجربة الأولى حق gas constant
قالت تحفظوا قانون الغاز المثالي بوحداته و وحدات الثابت العام للغازات المختلفة و القيم النظرية حقته و قالت ركزوا عالوحدات و التحويلات لأنه ممكن عشان تعوضي في القانون تحولي من وحده لوحده و قالت ممكن أي شي من القانون يكون مجهول و نحسبه مو بس قيمة R و قالت الجدول حق الحسابات مره مهم لازم تعرفي القوانين و كيف حسبتي في كل خطوه و قالت كمان شي عن قوانين SD بس مو فاكره إيش هو و فيه سؤال كمان قالت عن الفرق بين الغاز المثالي و الغاز الحقيقي.
التجربة الثانية حق chemical formula
قالت لازم تعرفي كيف تحسبي نسبة كل عنصر في المركب و تعرفي ratio بين كل عنصرين في المركب و تعرفي قيمة عدد أفوجادرو و قالت الحسابات حق التجربه مهمه ممكن يجي كيف تطلعي النسبة المئوية لكل عنصر عملياً و نظرياً و كيف تحسبي عدد المولات لكل عنصر و منها تطلعي chemical formula.
التجربة الثالثة حق aspirin
قالت الصفحة الأولى ما نذاكرها نبدأ نذاكر من عند المعادلة و قالت إن المعادلة مره مهمه ولازم تعرفي كل المركبات و إيش نوع التفاعل و الوسط كمان و إيش المجموعات الوظيفية إلي يصير فيها التفاعل هذا و إيش الوسط إلي يذوب فيه الاسبرين و إيش إلي ما يذوب و قالت لازم تعرفي إيش يعني المادة المحددة للتفاعل و كيف تحسبيها من المعادلة و قالت كمان لازم تعرفي القانون حق %yield.
آخر تجربة حق titration
قالت ممكن يجي منها تعاريف يعني إيش هو الحمض و إيش القاعدة و إيش الكاشف و إيش اللون إلي يعطيه الكاشف في الوسط الحامضي أو القاعدي و ليش نستخدم المعايره و قالت ممكن تجي مسألة كيف تحضري مادة معينة إذا عرفتي تركيزها و قالت لازم تعرفي التفاعل صار في كم خطوة و إن المادة المتفاعلة نصها انتهى في الخطوة الأولى و الباقي في الخطوة الثانية و قالت كمان ركزوا عالقانون حق التركيز و الوحدات و التحويلات.

هذا إلي فاكرته و لو في شي كمان و أنا بأذاكر حأكتبلكم هو هنا ولا تشيلوا هم الاختبار ترى قالتلنا مره بيكون سهل