23-10-2011, 06:26 AM
|
#4
|
تاريخ التسجيل: Oct 2008
نوع الدراسة: إنتظام
المستوى: متخرج
الجنس: أنثى
المشاركات: 274
|
سأصبر حتى يعجز الصبر عن صبري
بسم الله الرحمن الرحيم
انا ماراح اكتب ارقام لشركات لانكم ماقصرتوا كتبتوها
بس بقتصر بكتابة تجربتي قد يوافقني بعض المشتركات وقد يخالفوني
انا اشتركت من سنتين بشركة مشهورة وهي المطرف والحقيقة مااحب اتبلى عليهم
لأن السبب ماهو بالشركة نفسها السبب بالسواقين
بعض المشتركات توفق بسائق ملتزم بالوقت والاخلاق وغير حقود >> أهم شي
وبعضهم مثلي الله يبتليها بناس ماتقدر
طبعا انا من النوع اللي استحمل غلطات كثييييييره ولشهور وانا ساكته لا عتاب ولا خصام
بعدها ابدأ بشد وجذب مع السواق نفسه
وفي النهاية خلاااص انفجر واشتكي على الشركة شبة اسبوعيا هاتفياً والكترونيا<
الحقيقة الموظفين بالشركة متفهمين ويوعودون خير بس السائق نفسه يحقد ويعند
واحيان يقلون يجيك السواق الحين ويسحب عليهم وعليّ ويسكر جواله > قمة النذاله
يعني السواق لما يستغني ويتعرف على ناس ممكن يوظفونه يصير ما يهتم << لك الله يابلدي ^_^
المشكلة مو هنا المشكلة لما يغيرون السواق بواحد جديد مين تتوقعون يدربه ؟؟؟؟
السواق القديم في الغالب يصير يعطيه انطباع مبدأي عن كل طالبه
فلو هو كاره طالبه يقول هذي كذا وكذا وكذا
استغرب احيان الجديد حاقد علي ليه >>
طبعا تتقوى علاقات السواقين ببعض ويصير كل واحد يقول للثاني تكفى ياصديق خل البنات يروحون معاك
ونصير احنا كره يتقاذفونها فلا ارتحنا من القديم ولا اسبشرنا خير بالجديد
هذي السنة عندي تضامنت مع الثورات العربية وسويت ثويره << تصغير
فطلعت كذا سواق نومنية < وش الطاري , والبدلاء ماهم احسن ممن سبقهم
صرت مشهوره عندهم ياخوفي الموظف يقرى ردي وهو (يطقس عن شركته )ويعرفني
وبالنسبه لشركة النبراس ماانصح فيها
حاليا عندي خيار وهو الخالد لو ماارتحت مع الشركة في مستقبل الايام القليلة القادمة وفي ظل تغييراتهم المستمرة لا شك بغير
لأني كذا والا كذا دافعه فبدل مااشيل هم الدرجات الناقصة صرت اشيل هم السواقين
ملاحظة هااامة : ليش بعض السواقين البنت اللي تسولف معاه وتعتذر له وكأنه واحد من اهلها يحترمها ؟
واللي علاقتها فيه علاقة سائق يقدم خدمة ومشتركة تدفع مقابلها ما يطيقها الا من رحم الله ؟؟
فالاولى حتى مشاوير خارج الجامعه ممكن يوديها والثانيه لو قالت بطلع الساعه 12 قال بجي 1 !!وهكذا
الله يعين سأودعكم ودموعي تملأ محاجري |
|
|
الملك فهد و اولياء العهد سلطان ونايف لن ننساكم
^ رحمكم الله جميعا وغفر لكم
|
|
|
|