[بيو كيميائية ^_^]

المشاركة الأصلية كتبت بواسطة دافئ الإحساس ممممممممممممم شوفي انا من قبل شهر تقريبا فكرت اروح لصاحب السمو احم اح اقصد رئيس القسم حقنا عشين الموضوع هدا وعشين مواضيع كتيره منها اللابات ومنها الكراسي حقت اللابات ومنها ومنها ...الخ بس من ضمنها ع فكره انو يكون لنا ع قولتك سنة امتياز بس بطلت بعدين وحتى اتكلمت مع واحد معيد واتعرفت عليه وكا محاضر ماشاء الله راجع من استراليا >>>الزم من التفاصيل المهم وكنت بأسالو عن الرئيس وكده ومتى اقدر اروحلو وقالي عاده الرئيس مايحب يتشاور مع الطلبة قلتلو مين هوا عشين مايتشاور معاهم!! هوا مرزوع هنا لخدمتنا ترا !! >>لساني طويل اتنرفزت بسرعه وقتها والمهم قالي اتفضل اجلس وقولي اش الاشياء اللي كتبتها وقلتلو هيا وانبسط مره... قالي كويس انو اتحركت... ع ايامي يقولي محد يتكلم دي من دي ولمن فعلا قررت اروحلو محد كان معايا ولوحدي وكلمت كتيرين >>بس فالاخير مع نفسي فبطلت وشقيت الورقة .. وشلت الفكره من راسي اصلن في البداية فكرة اروح للسمو مدري مدير الجامعة وبرضو بطلت لنو لوحدي حروح ياحسره :( وصووووت واااحد ما يحرك شعره فيهم ....... الحمدلله ع كلي شي... وانقهر لمن احد يقولي لمن تتخرج يحلها الف حلال :@ وقالي واحد فني وحده مره لا تسوي شي عادي ادرس زي ما درسنا نحنا ودور وقتا لوظيفة والله جا في بالي اقولو طبعا معاك وظيفة منتا قلقان زيي !! حسبي الله بس ع القلوب الباردة

يبي لكـ ضرب صراحةً :@

أقول أرجع ثاني وأكتب وروح وإلا راح تنضرب

وإذا عادي نروح إحنا البنات قولوا لنا كليتكمـ ماأتوقع فيها أحد فمو مشكلة ندخل


حتى لو الإنسان ضامن الوظيفة لكن المفروض يسعى لغيرهـ

لأن من هذا الوقت لين التخرج مايعرف ايش يصير

وأفضل من أحد يمن عليه بعدين

المشاركة الأصلية كتبت بواسطة arwa=) السلام عليكم بنات حكايت انو نحنا نتجمع ونروح ما تنفع د .سوسن من يوم ما كانت تدرسسني وهيا تحب التوقيعات يعني نكتب معروض ونكتب كل طلباتنا من ناحيه سنه الامتياز وكمان ليش ما يكون عندنا سكرب نلبسو زي تبع الطب بدل ما كلنا كدا اشكال والوان المهم نكتب معروض بصيغه رسميه ونحدد اوقات واماكن وجود المعروض دا الا تكون فاضيه تروح تكتب اسمها ورقمها الجامعي وتوقع كدا ممكن نجمع اكتر وتكون شي رسمي موجود حتا هيا تقدر تقدمو لمن يهمه الامر مو تقول البنات يبغو وبس شي رسمي ودا احسن بكتير من انو احنا نتجمع وحده الا حتروح وتتكلم كل بنت تكون مسوله عن تجميع اسماء وتوقيعات وانا مستعده اكون من ضمن الا حيجمع وشكراا ..

وعليكم السلامـ

في بنت قريت فكرتكـ وقالت راح تعمل الخطاب وبتتكفل بالحكاية

المشاركة الأصلية كتبت بواسطة ghala*ـــــ* ممممممممممم انا معاكم بس من جد نفسي اعرف اش حيصير لو صار لنا سنة امتياز اش المميز فيها يعني لو درسنها حنطلع دكتورات مثلا من جد اتكلم ياليت تفهموني انا حابه انو القسم يتطور بس موفاهمه اش القصه عشان اتحمس

تقدري تتوظفي أي تخصص صحي لازم سنة إمتياز بس مو معناتها تكوني طب

المشاركة الأصلية كتبت بواسطة bemesho الله يقويكم ويعطيكم العافيه ولاني في الفيصليه فما اقدر اروح معاكم بس شغلة التوقيعات عجبتني واقتنعت فيها واقدر انا وصحباتي نجمع توقيعات طالبات البيوك اللي في الفيصليه واجيبها لكم في السليمانيه ممكن مثلا ترسلو ليا المعروض ويوقعو عليه البنات وادا عجبتكم الفكره انا مستعده اجمع التوقيعات

خلاص يصير لما تعمل البنت أعطيكـ هو وتكوني مسؤولة عنه

المشاركة الأصلية كتبت بواسطة ghala*ـــــ* اي شي فيه فايده لنا احنا طلاب وطالبات الكيمياء حيوي انا معاكم فيه قلبا وقالبا واذا كان حيفيدنا في التوظيف بس ياريت يكون صوتنا مسموع مو زي الصحفيه اللي جايت ما سمعنا منها اي شي ولا ادري هيا اش كان دورها

كيف يعني ماسمعتي شيء عنها

المشاركة الأصلية كتبت بواسطة همسة حراير اعجبي فكرتكي افضل يكون بتواقيع خطيه من القسم افصل من فكره اختي بيوكيميائية انها تجمع بنات القسم بناقشوها لأن بيكون هناك زحمه في مكتبها ماتحب الفوضى . افضل وحده او مجموعه بنات جمعوا تواقيع وثلاث يعطوها الورق يناقشوها في الموضوع . فكرة سنه الأمتياز يبغالها اعاده هيكلة مواد القسم من راي يدمجوا مادة البحث مع التدريب يكون افضل علشان يكون هناك ترابط بين الجزء النظري و العملية ويكون هناك مناقشة لأن ما اعجبي مادة البحث فقط تبحثي وتسلمي البحث بدون مناقشة وتوزيع الدرجات مبالغ فيها بين المادتين.

أكيد هو راح يغيرون المواد

البحث أنا الترم الجاي بعمله عملي إن شاء الله وكلمت الوكيلة وكل شيء وضبطت أموري

من ناحية المناقشة فيه دكاترة يناقشون

ممكن تكون السنة إختيارية وبعدين تكون للدفعات اللي بعدنا إجباري