[حيــــــاة]

المشاركة الأصلية كتبت بواسطة سسووسسوو بناااااااااااااااااااااات !!!! دحين من جد أقدر أسجل في الجامعه انتظام >> توها صاحيه لوول معليش الله يسعدكم أحد يشرحلي خطوه خطوه .. انا اتخرجت سنة 1428هـ من الثانوي، ومعدلي التراكمي كان 93.6 % ، دحين لو ابا أسجل الجامعة ايش الخطوات ؟؟؟ سامعه الناس بتهرج عن معدل موزون واختبار قدرات وماني فاهمه شي، يعني لو ابا أسجل دحين اش الخطوات الي لازم أعملها ؟ ومتى مواعيد التسجيل ؟؟ وموعد اختبار القدرات و التحصيلي ؟والمعدل الموزون كيف بيحسبوه وأنا على أيامنا ماكان فيه معدل تحصيلي كانت آخر دفعة من نظام أسئلة الوزارة والمعدل التراكمي!! .. أنا اضطريت اني أسافر مع زوجي مرافق في بعثته مشان هيك اضطريت اني أوقف دراسة ويا دوب رجعنا ، ودوبي أقرا الخبر... أرجوكم أبا شرررررررح سنة أولى ابتدائي .. بشووويييش بشويييش الله يعطيكم العافية .. عن جد قلبي نط من الفرحة بعد ما كنت فاقدة الأمل ومفكرة أسجل انتساب على مضض ، الي يحزن عليا ويشرحلي الله ينوله كل الي يتمناه ياااااااارب، ويفرجها عليه من كل الجهااااااات يا قادر يا كريم.

اهلين سوسو اهلين فيكي بيننا
ايوه ياقلبي غير السعوديين ممكن انهم ينقبلوا انتظام بشرط انهم يكونوا اختبروا القدرات والتحصيلي
والشرط الثاني انه ما يكون عدى على شهادة الثنوي ثلاث سنوات من التخرج
سوري ما ابغى احطمك بهذا الشرط
بس ممكن الواسطه اذا كانت مررررره قويه تمشيكي او لو تشرحي وضعك للجامعه لو كان عندك سبب مرره قوي يخليهم يتغاظوا عن هالشرط <<بس لازم بعد اختبار القدرات والتحصيلي يكون معدلك فوق 90 ٪
هذه يا ستي يحسبوها كذا : انهم ياخذوا 30٪ من درجة القدرات و40٪ من درجة التحصيلي و 50٪ من شهادة الثنوي >>
اذا كنتي يمنيه فالسفاره اليمنيه تقدم منح للطلاب المتميزين لكن تطلب نفس الشروط
وبالنسبه لإمتحان القدرات والتحصيلي اذا تبغي تعرفي الاوقات ففي شهر 6 تقريبا راح يكون في امتحان القدرات اول ، وفي في رجب امتحان للقدرات والتحصيلي <<الاثنين سواء>>


واذا مانفع معاكي كل الي فوق في حل ثالث : انك تسجلي انتساب وتجتهدي وتجيبي معدل اعلى من 4.75 ويحولوكي انتظام <<هذه ممكن اسهل طريقه لكي لانه ممكن الطرق الي فوق ما تنفعك >>

مممم هذا كل الي يحضرني الحين واي سؤال انا حاضره
بالتوفيق