[سسووسسوو]

المشاركة الأصلية كتبت بواسطة حيــــــاة اهلين سوسو اهلين فيكي بيننا ايوه ياقلبي غير السعوديين ممكن انهم ينقبلوا انتظام بشرط انهم يكونوا اختبروا القدرات والتحصيلي والشرط الثاني انه ما يكون عدى على شهادة الثنوي ثلاث سنوات من التخرج سوري ما ابغى احطمك بهذا الشرط بس ممكن الواسطه اذا كانت مررررره قويه تمشيكي او لو تشرحي وضعك للجامعه لو كان عندك سبب مرره قوي يخليهم يتغاظوا عن هالشرط <<بس لازم بعد اختبار القدرات والتحصيلي يكون معدلك فوق 90 ٪ هذه يا ستي يحسبوها كذا : انهم ياخذوا 30٪ من درجة القدرات و40٪ من درجة التحصيلي و 50٪ من شهادة الثنوي >> اذا كنتي يمنيه فالسفاره اليمنيه تقدم منح للطلاب المتميزين لكن تطلب نفس الشروط وبالنسبه لإمتحان القدرات والتحصيلي اذا تبغي تعرفي الاوقات ففي شهر 6 تقريبا راح يكون في امتحان القدرات اول ، وفي في رجب امتحان للقدرات والتحصيلي <<الاثنين سواء>> واذا مانفع معاكي كل الي فوق في حل ثالث : انك تسجلي انتساب وتجتهدي وتجيبي معدل اعلى من 4.75 ويحولوكي انتظام <<هذه ممكن اسهل طريقه لكي لانه ممكن الطرق الي فوق ما تنفعك >> مممم هذا كل الي يحضرني الحين واي سؤال انا حاضره بالتوفيق

تسلمي حبيبتي يا رب يسعدك دنيا وآخره ..
طيب دحين لو أبغا أقدم عن طريق السفارة بيكون لازم أختبر القدرات أول ولا كيف؟؟ ..، و التقديم عن طريق السفارة يكون زيي زي السعوديين ؟ يعني تنزلي مكافأة وكده ؟ .. >> لا تعصبي اصبري عليا ما خلصت أسئلة لول
طيب وآخر شي لو الحلول دي ما نفعت معايا - لا سمح الله - حروح أسجل انتساب .. طيب متى مواعيد التسجيل للانتساب ؟ وهل لازم أستنى سنة كاملة عبال يجيني القبول؟؟ يعطيكي العافيه حبيتك من قبل لا أعرفك :)