رد: Cpr
ايوه دكتور مس يو
اول حاجه انصحك تحاول تحصل على الشهاده دي...عارف الكتير يقلك لازم تاخدها عشان تدرس اساسيات الطوارئ وعشان حيطلبوها منك بس انصحك تخلي هدفك حاجتين مره مهمه
اول شي ...الCPR وتطهير الجروح والولاده ودي الأشياء كلها تخص الإسعافات الاوليه واحنا ضروري يكون عندنا علم بدي الاشياء ونكون متمكنين بحيث انو لاسمح الله ازا سار اي شي في حياتنا وفي الاماكن العامه وكده انو إحنا نقدر نسعف الشخص المصاب او الضحيه...يعني اصلا زي ما إحنا عارفين التوعيه في الامور دي شي مره مهم..ولازم تكون عارف مزبوط وفاهم..يعني مو شرط بس الناس الي هما طب بس...دحين بيحاولو انو يعوو الجميع وهادا شي يدينا دافع اكتر انو إحنا نسير نبغى نتعلم ونتمكن اكتر ونتثقف وندور على ارقى المراتب لانو واجب علينا تعلم العلم واستخدامه وتعليمه وفي الوقت نفسو تطويرو
غير كده مصيرهم يطلبوها منك في الجامعه حلوه انها تكون معاك عشان يعني زي ماقلتلك شي اساسي يكون معانا..انا اخدتها في المتوسطه و الثنوي ودحين لازم اخدها تاني..يعني انت حاول تلحق
غير كده تنطلب منك في اشياء كتير ويدوك بطاقه مع الشهاده كمان
بس اتأكد انك تاخد تبع ال AHA
واتمنى انو اكون افدتك
بالتوفيق دكتور
........
بيوكيميائيه الله يسعدك ويخليكي كان نفسي الحق على تبع الbreast cancer بس ظروفي ماسمحت
ان شاء الله السنه دي تكون حافله بأشياء مفيده نحضرها ونستفيد منها
شكرًا الله يوفقك وينورلك طريقك
|