[شــــــوزن]

بسم الله الرحمن الرحيم ..

الكثير منّا لايتوانى في البحث عن التجربة الأفضل التي تعينه في المذاكرة ..
ولمّا تعددت التجارب واختلفت الآراء حول الطريقة المُثلى .. قررت أن أضع لكم حجّتي الداحضة ^_^ .. موضحةً بها الطريقة التي خرجت بي الى افضل سبُل الفهم وترسيخ المعلومات ..


-----------------------------------------------------------

نجي دحين للمطلوب ..

زي منتو شايفين الكل حايس في المذاكرة -طبعا كلامي هذا موجّه للمستوى الثالث- ..
والكل يشتكي من تشتّت الذهن والحوسة - وانا وحدة منهم -

اتخذت كل الطرق بحكم اني جديدة ع القسم وماقدرت اتوصّل للطريقة الافضل الا مع الوقت ..


راح اتكلم عن الطريقة الافضل بالنسبة لمذاكرة كتاب القراءة ..

اللي هي الكلمات حفظها وحفظ المعنى والعكس .. مع التعريف والامثلة

في البداية أحب انوّه على انو ترجمة القطع ساعدتني جدا جدا جدا .. لأن ترجمة الجمل تساعد على ترسيخ الكلمات اكثر من لو انها انحفظت لحالها .. طبعاً الترجمة تتركز على المعنى العام للجملة والكلمات الغير معروف معناها فقط ..

طبعا راح اعطيكم الخطوات حبة حبة :


- كنت افتح الوورد اللي يحتوي ع القطعة المترجمة المطلوبة اللي ابغى اذاكرها ..
- تحضير قلم ودفتر مع جهاز اطلس المترجم << وهو خير معيييييييين بعد الله ..

- ابدأ بقراءة القطعه ( راح تواجهكم كثير كلمات نجهل معناها ) ترجموها طول ماانتوا تقرأوا .. مو شرط تكتبوا ترجمة الكلمات المعروفة اهم شي اللي ماتعرفوا معناها وراح تلاقوا ان الجملة الواحدة تحتوي على عدة كلمات جديدة .. طبعاً لاتعتمدوا اعتماد كلي ع القطع المترجمة في المواضيع لأني اكتشفت بعض الاخطاء لكنها تسهّل علينا في بعض الاوقات في بعض الجمل ..


- الكلمة اللي تحتها خط ( الكلمات الاكاديمية ) ..
أول مااشوف كلمة تحتها خط اكتبها في الدفتر .. واروح للجهاز واكتبها
يقوم يطلعها ليا .. اضغط عليها وتطلعلي المرادفات للكلمة والمضادات لها .. مع التعريف والمثال ..مع نوع الكلمة من ناحية انها صفة او او او .. وافضل من هذا كلو يعطيني السليبل وطريقة النطق ..(واقوم بكتابتها جنب الكلمة في الدفتر ) ..


استخدمت مع كل كلمة اكاديمية نفس الشي لين ماخلصت القطعةالاولى في الفصل الاول ..
طبعا في الدفتر اركّز على كتابة المعاني فوق كل كلمة .. واكتب كمان طريقة نطقها بالعربي ..

راح اعطيكم مثال للتوضيح :

عندنا كلمة respond ومعناها يرد / يجاوب / يستجيب
المعنى المرادف لها = answer
المعنى المضاد لها = ignore بمعنى يتجاهل ..
نوعها (v ) ..السليبل مع طريقة النطق : ri-spond .....لا - لااااا << يااادي الّالا ..... لا عن جد عن جد (طريقة لالا هذي ) ساعدتني كثيييييير ع اكتشااااف الاسترس ..


التعريف والتوضيح =
when you respond to something that is done or said, you react to it by doing or saying something yourself..

الكلمة اللي تحتها خط بمعنى يستجيب ..


وهذا مثال ع الكلمة :
The patient has respnded to the medical treatment
بيشنت = المريض
تُريت منت = العلاج


-----------------------


اكتشفت مع الوقت اني وانا اترجم ماارجع للقطع المترجمة وصرت اترجم من نفسي تلقاائياً ..
لاتتشائموا من كثرة الكلمات لأنكم راح تكتشفوا ان الكلمات متكررة بشكل كبير جدا جدا جدا ..


أخيراً
احب اقول اني مستعده لعمل ملزمة بجميع الكلمات بمرادفاتها ومتضاداتها مع التعريف والامثلة ..
لكن اتمنى اني اجتمع بكذا طالبة من المستوى الثالث في الجامعه ووتتكفل وحدة بالتصوير واخرى بتنزيل الصور في المنتدى لتعم الفائدة للجميييييع ..
عاد انتوا ذاكروا ع الجاهز ^_^ ..
----------------------

طبعاً وهنا صورة استااااااذي الفااااضل ومعلمي الاول لتخطي صعوبات الانجليزي ..
http://www.eurosouq.com/images/atlas_big_images/SD9200si_b_1.gif



هذا واسأل الله لي ولكم التوفيييييييييييق وان يعينني واياكم على الدرااااسة وتحقيق اعلى الدرجات ..