[جيزان]

المشاركة الأصلية كتبت بواسطة فنجان قهوة ماشاءالله تبارك الله على كلامك وعلى قناعتك بس انا فيني عيب ما اقدر استغني عن الشي اللي ابغاه <<<< طب بشري احيانا اقول لو ما جبت معدل لا قدر الله ولا تخصصت طب بشري او اي تخصص صحي امكن اتجنن ولا انتحر ولا اسوي اي شي في نفسي =( من جد نفسيتي تعبت من اول ما اجي من الجامعه اذااااكر لييين الليل وبعدين الاختبار اروح واجي ولا كاني فتحت الكتااب ولييين دحين ما نزلت لي ولا درجه الله يستر ان شاءالله كل تاخيره وفيها خيررره الله يوفقنا ان شاءالله ويحقق لكل وحده فينا طموحها و ابغى منكم الله يسعدكم اسماء الشباتر اللي معانا في الدوري الثاني ولسا الاستاذات عند كلامهم ان الشباتر اللي في الدوري الاول والثاني مو معانا في الفاينل ؟

انشاءالله تدخلي طب بشري وحتى صيدله او علوم طبيه كللها حلوة ولها مجالات كثير ...
وكلنا يااقلبي ماانقدر نستغنى عن اللي نتمناه تخيلي انا اخررررر شي اتوقعته احياء
واول ماادخلت التخصص واشوف الكتاب كبير وانجلش وقالوا لنا ماافي تست بانك زي التحضيري ولاشي ووقتها تحطمت واقول في نفسي مستحيييييل اقدر امشي في هالتخصص وصرت افتح السلايدات واحول احفظ نفسي بالقوة والله احفظ وانا ابكي لاني كنت مرررة محبطه,, وبعدها بأسبوع بدأنا في المعامل واشوف العملي والشرايح تحت المجهر وتقولنا الدكتورة في الاختبار تجيب الشريحه وارسمها واكتب اسمها ومكوناتها (( انجلش )) في 3 دقايق بسسس
ووقتها كنت اقول في نفسي اذا احياء مو قادره امشي فيه اجل كيف طب راح امشي !!!
وقتها انا مررررة تحطمت وقولت راح اسحب واحول تاريخ او اي تخصص ادبي
تخيلي الطموح من طب لحد تاريخ او جغرافيا

بس لما كنت اشوف المعيدات اللي في الجامعه لسا بنات صغار السنه اللي فاتت وانا تحضيري كانوا هما 4 جامعه وتخرجوا وصاروا معيدات وكنت اشوف وحده معيده + تحضر ماستر
ويشرحوا انجلش ولغتهم ولاااحسن من كذا

انا وقتها قولت في نفسي بإذن الله راح اصير زي كذا واشد حيلي واوصل معدلي 4 ونص واسوي واسوي وفعلا الحمدالله هالشي اللي هوا (( التحدي )) خلاني اتحمل وصرت اشد حيلي وتركت البكاء والدموع لانها عمرها مااراح تسوي شي ولاتنفعنا بشي
وشديت حيلي وصرت اذاكر اول باول ونظمت وقتي ودخلت الاختبارات والحمدالله الاختبارات النظريه تقريبا كلها عااليه
والاختبارات العمليه نقصت فيها شوي كم درجه لاني مو متعوده على المعامل


وانتي كذا كمان قولي في نفسك اللي دخلوا طب مو احسن مني ولااذكى مني وراح اجيب معدل وادخل الكليه اللي ابغاها ,,, والاختبارات اللي راحت مااراح تأثر عليكي اعتبريها حبيبتي درس او تجربه عدت
وبالنسبه للاحياء لاتجلسي تطالعي في السلايدات وتتأملي فيها وتقولي كيف اذاكرها
هالوقت استغليه في المذاكرة
وصدقيني بس<<< لاتضربوني انه طريقتهم معاكم ذاكروا من السلايدات مرررة حلوه
السنه اللي جايه اذا تخصصتي اي كليه صحيه بإذن الله وحتى ولو احياء ايش راح تسوي وقتها واحلمي بحاجه اسمها تست بانك او اسئله مراجعه ,,, انتي وقتها تكوني خلاص متعوده ماراح يكون فيه شي جديد يأثر عليكي وتمشي بكل سهوووله
والله الحين اشوف بنات معايا دخلوا احياء بحكم انه ماافيه رياضيات وحسابات واشوف درجاتهم مررررة في الحضيض يعني مااخذه البنت 9 من 20 تقولها الدكتورة ليه كذا شدي حيلك حرام عليكي ,,, تجاوب البنت بكل بساطه انا ماامشي الا بتست بانك او اسئله مراجعه لاكن احفظ هذا الكم الهائل مستحييل
وانا اول ماادخلت جلست بحاله نفسيه ماايعلم فيها الا ربي والله كان وقتي كلله يروح في البكاء واجلس اتصفح الكتاب والسلايدات واقول كيف احفظ هذا كللو ؟؟ ,, وهذا الشي صدقيني حبيبتي ماايخليكي تمشي وتتحطمي اكثر واكثر

المطلوب منك تخلي هالاختبارات اللي راحت مجرد تجربه لااكثر ولاقل انسيها نهاائيا
ومن بعد الحج افهمي مع الدكتورة تمااام + ذاكري اول باول + حاولي تذاكري من الملخصات لانها احسن ومترجمه وفي نفس الوقت الاسئله اللي فيها نفس طريقه الاختبار + نظمي وقتك
والاهم التفاؤل وصدقيني بالراااااااااااحه تجيبي معدل عالي وبإذن الله راح تكوني دكتورة