[الملاك الأبيض]

المشاركة الأصلية كتبت بواسطة SARO0O مرحبا صبايا اعتذر اعتذر اعتذر اعتذر اعتذر من اليوم لبكرا اعتذر بس والله الظروف ماسمحت لي اشتري الكتب ولا ابدأ بالتجمعات اخر اقتراح ياانو وحدا تتبرع وتسوي تجمع للمواد الباقيه او تنتظرو مع بداية الدورة اسوي بإذن الله تجمع ونضغط على انفسنا مزبوط بس طبعا ابغى تعاون مراااا كبير معاي يد وحدا ماتصفق ومكس بخصوص الريدينق 2 انا ماعديته وباخذه مع الاء ان شاء الله والله يعين ونعديه فاان شاء الله بسوي له تجمع والحين ياحلوين الماده الحرة انا ابغى ماده حرة واحد يكون معي فيها وابغى سههله ماابغى شي متعب وابغى طبعا اختياري المهم ابغاكم تبلغوني قبل انتهاء الحذف والاضافه واعيد اعتذاري واتمنى تقبلو ظروفي ماساعدتني واعتذر اذا كان كثير بنات اعتمدو علي وانتظروني وماكنت محل ثقتكم تقبلو تحياتي سرو ...

اهليييييين هلا والله وحيا الله هلا سرو نورتي قلبو .

لا ولا يهمك عزيزتي بالنسبة للتجمعات اصلا معظم البنات ليسا حايسات والي ليسا ماسدد والي ليسا مانزل الجداول والي ليسا ماعرفوا اسماء الكتب . وهذا شي طبيعي لانو الدورة متأخرة + انو المناهج تغيرت لبعض المواد عشان كذا الحوسة بتبقى لحد بدء الدورة التاهيلية . وعشان كذا انا ماتشجعت افتح اي تجمع وكمان ماكلمتك ثاني عشان عارفة ظروفك وعارفة انو البنات ليسا ماتجمعوا مضبوط فالافضل نبدأها وقت الدورة عشان نتعارون بشكل فعال >>هذا طبعا برأيي المتواضع ولو حدا معترض يتفضل برأيه مشكورا

وبالنسبة للمادة الحرة لو تبغي مادة سهلة واسئلتها اختياري فانا انصحك بمادة علم نفس النمو رمزه psy241 لانو كتير بنات يمدحوا فيها وانا بصراحة مااخدتها لاني اكره الحفظ ومكفي الحفظ الي عندي فقلت بلاش منها , ومعظم البنات اخدوا فيها فوق التسعين فالمادة مش بطالة .وعندك مادة اسمها تاريخ العلوم العربية واالاسلامية يقولوا كمان حلوة وسهلة ورمزها hist 334 بس اتاكدي فيها مكان ولا الشعبة فل .

اما مادة نصوص تاريخية باللغة الانجليزية انا اخدتها كمادة حرة رمزها hist 381 هي ملزمة تقريبا عشر اوراق ,لدينا 40 كلمة انقلش ونحفظ ترجمتها بالعربي . وعندنا 6 نصوص بالانقليزي وعلينا نحفظ ترجمتها بالعربي >>وبصراحة خليني اكون صريحة معك الاسئلة ماراح تكون اختياري , راح تجيب لنا كلمات انقلش واحنا نكتب ترجمتها بالعربي او العكس , وتجيب لنا اجزاء من النصوص احنا نترجمها ,يعني الاسئلة ماراح تكون كثيرة +ماراح تكون اختيارية .وانا شعبتي رقم 1 مع ميس الجوهرة الميمان والملزمة تلاقيها في المنتدى في قسم التاريخ لو تحبي تحمليها ومعها ترجمتها .ونزلت لك في المرفقات قائمة المواد الحرة لقسم التاريخ لو تحبي تضيفي مادة معينة غير الي ذكرتلك اياها من قسم التاريخ . راح تلاقي رمز كل مادة وايش المقرر تبعها وعلى فكرة الملف تبع السنة الي فاتت بس المواد الي فيه هي هي نفسها الي متاحة عندنا في قائمة الحذف والاضافة وحطيته لك عشان تاخدي فكرة عن الخيارات الاخرى المتاحة لك .

فشوفي نفسك واستخيري وربي ييسر لك الخير .