[Dr.candy]

المشاركة الأصلية كتبت بواسطة ساعتي خربانه [انا كان نفسي طب لكن بعد الي صاؤ بأحياء والقصة الي سواها لنا نزار رضوان تحمممت وحسيت ان احلامي مستحيله لاني بألاحياء تقريبن فوق 15 سوءال حليتو حقرا بقرا والاسئله جدن صعبة مو زي دفعتكم تست بانك ونحفط احنا كل الشباتر معانا من الجلد للجلد المهم بدخل بموضوعي العلوم التطبيقة ايش هيا بالضبط اسكع عنها انها زي الطب بس موفاهمتها وكم النسب المطلوبا لها لحد يقولي زي الطب يبغون نسب عاليا لان الاحياء مرا ماحجيب نسبا ادري بتقولولي اتفالي وفئ وقت وشدي حيلك لكن صدقوني يابنات الاحياء شىء ماتتصورونة موزيكم ابدن انا بالكيميا والاحصاء ماشالله ماشيا تمام لكن الانقلش والاحياء مومرا الله يخخليكم قولولي كيف اجيب معدل عشان ادخل كليتكم وهيا عبارا عن ايش وهل الي دخلوها الي هم انتم كان نفسكم طب وانقفلت الابواب بوجهكم ولا انتو تبغونة وكيف طؤيقت مزاكرتكم يعني الحين اجازا الي يقولي زاكري بس انا صعب اجازا وازاكر ابغا شم هواء سوري كلامي ملخبط وتقلت بالكلام بس اعتبروني اخت ضايعة وابغا نصيحتكم وافكاركم وشكرن

من جــــــــــــــد الله يعينكم ,, الاحياء من جد لازم تحفظيه وتفهميه وتقعدي تترجمي المصطلحات العلمية من بس كده حفظ وتذاكريه من الكتاب وركزي على الاختيارات الي في اخر شابتر ,, انا على ايامي كنت اذاكر كتاب وتست بانك

كلية العلوم الطبية التطبيقية

فيها خمسة اقسام ( مختبرات - اشعة - تغذية - تمريض - علاج طبيعي )

ودا الرابط فيه كل شي عنه

http://www.skaau.com/vb/showthread.php?t=92389

بالنسبة لدخولك للكلية لازم يكون المعدل مرتفع حاولي تجيبي فوق 4.50

ونسبتك الخاصة تكون اكثر من 85

النسبة الخاصة تحسبيها ( الاحياء - الكيمياء - الفيزياء - الانجليزي 1 - الانجليزي 2 ) \ 5

يعني لمن يكون معدلك عالي وحطيتي في التسكين الكليات الطبية ككل لازم يشووفو دي النسبة الخاصة

حاولي يكون الاحياء في B+ شدي حيلك

شوفي عن نفسي كنت مررررررررة ابغى ادخل طب بس

دحين انا تمريض و الحمدلله دحين مرتاااااااحة تعرفي خيرة ما تدري كيف

وككلية من جد اعتبرها رائعة بمعنى الكلمة ,,

انتي زاكري واتوكلي على ربنا ,,

واتمنى اكون افدتك

تحياتي ^^