[إحساس ناجح]

طبعا أولياء الأمور يتحملون السبب لأن القرار بيدهم أولا

طبعا إحنا ماعندنا دي العادة الحمد الله أغلب أخواني وأخواتي دايركت تزوجوا بدون حجز


وإدا تسمحي لي أختي أذكر لي أنا شخصيا تجربة مع حجز فتاة
قبل عام كنت في استديو قناة mbc أستعد لتصوير حلقة طبية مع الإعلامية هويدا
في التفاح الأخضر فكانت المذيعة تقول لي إنو في بنت راح تتصور معك قلت أوك
المهم بعد التصوير جاني أبو البنت وشكرني وطلب جوالي وقتها ماكنت أعرف سبب طلب جوالي
كنت أتوقع إنو بتواصل معاي علشان يطمن على صحتي
غلقت الحلقة وكل واحد راح في حال سبيله

قبل شهرين جاء إتصال من أبو البنت يسلم علي وأخبار واطمن على صحتي
في آخر المكالمة سألني إنت متزوج
قلت لا
قال لي حلو لاتتزوج أنا حاجز بنتي اللي تصورت معاك لك ويشرفني تكون زوجها
قلت له : يعطيك العافية وأنا ماطلبت منك تحجزها وإن شاء الله ربي يرزق بنتك الزوج الصالح
قال : طيب أنا حجزتها لك من فترة طويلة علشانك
قلت : ياعم النصيب بيجي إلين حدها أنا حاليا عندي دراسة وما راح أتزوج إلى ما أخلص
قال على راحتك لكن البنت ماراح تتزوج غيرك يا أحمد
قلت له : شوف بنتك ما أفكر فيها حاليا ولاتحجزها خلي النصيب المكتوب لها ولاترد أي أحد يخطبها وتقول بنتي لأحمد
ترى يكون في علمك مو أنا اللي راح أخطب أمي هي اللي راح تشوفه مناسب لي
وقفل في وجهي ومسحت رقم جواله من عندي

طبعا دا مثال واقعي لي أنا والحمد الله مالي نية في الزواج إلا بعد الدراسة ولا أحب حجز الفتاة مطلقا

أسأل الله يرزقنا لما فيه خير وسعادة
أعتذر بنت الوطن على الإطالة
شاكر لك موضوعك الجميل
تقبلو مروري
إحساس ناجح