منتديات سكاو - عرض مشاركة واحدة - فلانــــة محجوزة لفــــلان !!! موضوع يستحق النقاش

AnwaRoozo · 05-11-2011, 05:31 AM

اهلن اختي بنت الوطن .. ^ ^

ذكرتيني بشي صارلي ..
جاتني امي مرة .. الله يعطيها الصحة والعافية ..
وقالت بخطبلك من بنات الحلال عبال ماتتخرج من الجامعة ..
المهم صارت الخطوبة وكل شي .. جلست اول مرة مع خطيبتي طبعا في بيت اهلها ..
والله حسيتها مضايقة وفيها بس ماهي راضية تقول شي .. وانا ماني عارف اكلمها واهلها موجودين..
فقلت في المرة الثانية راح اكلمها على الجوال .. وكلمتها قلتلها في شي مضايقك قالت لا بالعكس انا مبسوطة بس برضو من صوتها انها مضايقك .. حاولت حاولت بس برضو ماقالت شي.. وتغير الموضوع على الطول
جلست معها مرة في بيت اهلها وكنا لحالنا .. وقلت الا اعرف ايش فيها فسالتها وقلت اسالك بالله انا فيا شي مو عاجبك في شكلي او اسلوبي
او اخلاقي ..مستعد اغيره والله .. قالت لابالعكس والله مافيك ولا شي ...
قالت بصراحة وامانة اقولك هيا انا احب واحد .. وهوا كان بيخطبني بس انتا جيت قبله .. قلتلها طيب ليه ماحجزك وكلم اهلك من بدري .. قالت اهلو ماهم كانوا راضيين يخطب الا بعد التخرج والعمل ..
قلتلها على الاقل يحجزك فقط الين مايخلص ..
قلتلها طيب ارفضيني.. قالت ابويا محايرضى وراح يزعل ومعاه ضغط وماابغى ازعله ..
قلتلها اسمعي ماعليكي راح اقول لاهلي اني ماابغاكي واقولهم انك ماتناسبني ..
مشيت الامور وصارت على خير والحمدلله .. بس اكلتها على راسي اكيد من اهلي وخاصمني ابويا ..
ماانكر كنت مبسوط وفرحان بس في النهاية ..
مااحب اظلم بنت واجبرها انها تحبني او تتزوجني وهيا اصلن لغيري ..
معليه على الاطالة ^_*
طلعت اللي في قلبي