[RHF]

ممممم طبعن اول مرة اقتبس هنا

كنت ادخل المدونات بالدس هههههه بس دحين سرت اشكر ، < الحمدلله في تطور كاني اقولهم اني دخلت مدونتكم

ودوبي وانا باتصفح بصورة عامة ، اثر فيا دا الكلام ، وقررت اقتبسو ,, ( مع انو الرد لو كم يوم بس ما شفتو الا دوبو )

//

بااكـ ،، اول شئ وقبل كل شئ الحمد لله ع كل حآل آآهـ امس كان يوم جديد بالنسبه لي هذي اول مرة اشوف عالم ثاني غير الي اعرفه .. عالم غريب كله برائه وحب من القلب ماعرف ليش جاني نوع من الجرئه اني ادخل كل الوحدات وقبل ما ادخل وانا واقفه في نص الممر لقيت ابواب الوحدات كلها انفتحت وكلهم خرجوا ( وقت الغداء ) اصابني نوع من الذهول لدرجه اني وقفت وماقدرت اتحرك وانا شايفتهم كلهم يقربو مني صارت الدادا تقولي مابي خووف مافي يضرب حسيت اني تشجعت وبدأت اعضائي تتحرك قربت مني وحده عمرها تقريبا في الستين ومعاها رسمه تقولي شوفي هذي انا سويتها وانا اقولها الله مرة حلوة صارت تحظني وتقولي انا احبك حسيت بشعور الييم وانا اكلم وحده بهذا السن بهذا الاسلوب :( ووحده ثانيه كانو حاطين لها مكياج تقولي شوفي انا حلوة زيكم بعدين انتظرتهم لين مايخلصو اكل عشان ادخل عليهم ولما كنت الف في المركز شفت وحده صغنونه ماسكه في الباب ومعاها الدادا قلت لها هذي ايش مشكلتها قالت لي هذي تجلس كدا ماسكه الباب من يوم ماتصحى لين تنام سالتها عن عمرها تقولي ثلاثين يعني لها اكثر من عشرين سنه وهيا واقفه عند الباب طبعا بعد ماخرجو من المطعم دخلت عندهم في الوحدات بصراحه اكثر شخص وجع قلبي واحد اسمه عبد الكريم تقريبا عمره في 15 واعتقد عنده توحد كان بس يهز جسمه قدام وعلى ورا قربت منه احاول اثبته ماقدرت قمت حضنته فجئه هدي خرجت من عندو وانا دمعتي ع عيني وكملت الف في الوحدات الثانيه :'( لين جا وقت البارتي وجو بنات من دار الرعايه بس ماعرف ليش اخلاقهم قاافله >< وبدا الرقص والاحتفال بصراحه الاطفال المنغوليين مررة يدنووو حتى صورتهم كنت اتمنى احط صورهم بس اظن مو من حقي احطها ايوة وكانت في وحده عمرها تقريبا ف الاربعين ماعرف ايش حكايتها معايا توقف قدامي وهيا تاكل فصفص وتطالع فيني بنص عين من فوق لتحت وتشمق وتمشي >< تصدقون اني لما سالت المسؤوله عن اهاليهم قالت اغلبهم اهلهم متبريين منهم شئ محزن والله يلا حبيت اني اكتب جزء بسيط من الي شفته وتكون ذكرى وموعظه لي ولغيري الحمد والشكر لله الذي فضلنا ع كثير من خلقه وصورنا في احسن تقويم

//

تونا والله اتأثرت بكل حرف كتبتيه ، جسمي قشعر والله ودمعت ،

من جد الحمدلله الي اعطانا الصحة و العافية و فضلنا على كتير من خلقو ،

جزاكي الله خير يا قلبي ويجعلو في موازين حسناتك ،

:)

//

كانت هوناا راااهااااف