[عباادي22]

أسمع ياابن الأجواد والله مو من عادتي أتدخل بجدول أحد بس مسكت غلط على جدولك
شوف جدولك ممتاز ولا يحتاج تغيير وبفصلك ألحين كل المواد اللي منزلها لاني دارسها كلها :
1. المدخل لوسائل الاعلام مادة ضرورية تأخذها الترم هذا عشان أنها متطلب الزامي ودراستك لها تفتح لك دراسة العديد من مواد الإعلام في المستوي القادم لك وعموما المادة سهلة ودائما تجي أسئلتها بسيطة ماعدا أذا كانت عند الدكتور راكان الحبيب فالله يكون بعونك عليه .
2. اللغة العربية والثقافة الإسلامية كلها حلو وأمورها طيبة ولازم تأخذها عشان المستوي الجاي لك تدرس الثاقفة الاسلامية (3) واللغة العربية (3) اللي على ماأعتقد أن مسماها (الأسلوب وتحليل النصوص) وعموما المادتين سهلة ومتطلب عام بالجامعة يعني أغلب طلبة الجامعة ينزلونها عشان كذا أسئلتها تجي مره سهلة وفي متناول الجميع .
3. الاعلام السعودي وتشريعاته مادة مره حلوة وريلاكس ومالها كتاب منهجها ملزمة من تأليف الدكتور (على القرني) والمادة بسيطة ولاتشيل همها لانها تتكلم عن قوانين الاعلام وبداية نشأته في المملكة والعقوبات التي تفرض على الكتًاب والمؤسسات الاعلامية .
4.الخبر في وسائل الاعلام سهلة وحلوة ولذيذة مررره خذها وأنت مغمض .
5. الرأي العام حليو بس يبيله مذاكرة شووي ومفيد لك في حياتك العامة وخصوصا الاعلامية منها وأصنف المادة هذى وسط بين موادك السابقة وأقصد أنها وسط في الصعوبة .
6.الاقناع سهلة وحلوة وأغلب طلبة الجامعة يأخذونها كمادة حرة لانها مفيده للشخص في حياته الشخصية تعلمك وسائل الاقناع والتأثير على الأخرين ومادة مشووقة مررره بس اذا كانت عند راكان الحبيب أنحش وأبعد عنها مره لمين الترم الجاي وخذ بدل منها الاعلام العربي والاسلامي وسلامتك.
إضافة أخيرة حاول تبتعد بشتي الوسائل عن المواد اللي تكون عند راكان الحبيب لان أسئلته معقدة مررررره .

أتمني لك التوفيق ولاتنساني من دعائك