هذااا هو النـــــادر بعينه ،،، قصتك نادره جداً ، وانا اعرف قصه ثانيه زيها ..
وحده من صاحباتي حبت واحد موبـ حربي ، وابوها ملزم انه ماياخذها غير حربي زيها (ابوها متعصب) المهم جا حبيبها وخطبها ورفضه ابوها ، وبعدين رجع خطبها بعد 4 شهور من الخطبه الاولى ورفضه بعد ، وبعد كذا ابوها مات ، وصاروا اخوانها يتحكمون بها ، جا حبيبها وخطبها للمره الثالثه ورفضوه اخوانها .. بعد كذا هي طلعت عليهم وسألتهم قالت : ايش سبب رفضكم له اذا في شي بأخلاقه ولا دينه والله اني لانساهـ وماابيه ، اخوانها قالوا : هو موبـ حربي ، قالت : دااام هذا سبب رفضكم اجل اقسم بالله محد يصير أب لعيالي الا هذا الرجل (بالحلال ولا بالحرام) عاااد دبروا انفسكم ،، الظاهر اخوانها خافواا ، ووافقوا عليه وهذي هي الآن متزوجته وعايشه أحلى عيشه
بس انت وصاحبتي قله قليله ،،، والاغلبيه زي ماانت شااايف ، وبعدين انا نفسي أسأل سؤال وبما انك تمثل شريحة الشباب ياليت تجاوبني ..
انا الآحظ ان الشاب ممكن يحب البنت ويموت فيها ويعشقها ويضايق اذا غابت عنه ،، بس بنفس الوقت مايتزوجها ولا يبيها تتزوج احد علشان ماتنشغل عنه او تقطعه ،، وهالشي قاله العريفي عن واحد يحب وحده وهالوحده حتى المهر اجمعته له علشان يخطبها بس قاله : تبيني اتزوج وحده ..... (مشفر)
طيب ليه يسوي بها كذا ؟؟ ليه مايكون على بينه من الاول ؟؟ ليه يشك بها ويقول زي ماحبتني اكيد بكرهـ بتخوني ؟ طيب هو اللي كان يدور وراها لين طحت بحبه !! ليه يتخلى عنها بعد ماحبته ؟؟