[الملاك الأبيض]

السلام عليكم

اختي العزيزة لو تسمحي لي شفت موضوعك واحب اقوم بمداخلة بسيطة

اولا فيما يتعلق بدورات المياه :

المشكلة الاولى ومنذ عصر التاريخ مو في الشغالات تبع النظافة , المشكلة فينا نحنا ,نحنا كعرب مانعرف نتعامل مع دورات المياه خصوصا الطالبات على وجه خاص يعني انا مااعرف ليه كل وحدة ماتنظف على نفسها ولا تؤاخذيني بهذه الكلمة لانو من جد شي يقرف انو توسيخ دورات المياه يجي من نفس الطالبات وبعدين ينتظروا حدا يجي ينظف الدورات كل ساعه هذا شي خيالي. والأولى انو كل طالبة تحترم نفسها تنظف المكان الي لما دخلته كان نظيف مو تنتظر حدا يجي وراءها على بالها في بيتها .هذا شي يجب انو نعمل له توعيه لانه بصراحة مشكلة رهيبة فينا لو روحتي جامعات او مدراس او مساجد او حتى في الحج نفس المشكلة ونفس القرف والمشكلة فينا نحنا وليس احدا اخر .

الشي الثاني المصلى :

المصلى معروف انو موضوع فقط لغرض واحد وهو الصلاة ,. لكن بصراحة الي اشوفه انو البنات الله يسعدهم يبسطوا عليه ويجلسوا يتغدوا عليه ويمشوا عليه باحذيتهم الي يدخلوا فيها الحمامات اكرمكم الله ويمشوا فيها في كل مكان وبعدين يقولوا >>اووبس السجادة وسخة وريحتها مقرررفة كأنها توسخت من نفسها سبحان الله .

ثالثا : الشيء الي بجد يبغى له تغيير جذري هو الكفتيريات بصرااحة لااكل زي الناس ولا اسعار ولا مقاعد تليق ومفروض فعلا يتعاقدوا مع شركة اغذية صحية باسعار مناسبة وتنحل هذي المشكلة من جذورها .

رابعا : البسطات الي تلاقيها خارج البوابات وهي اكثر شي تنرفزني . احنا مانبغى نقطع رزق حدا ,بس بالله عليكم هذا منظر تشوفوه وانتو طالعين من الجامعة ؟؟ يعني بالمرة منظر غير حضاري والله لو اجانا وفد يزور الجامعة راح يهرب من الباب ويقولوا >>شكلنا جايين سوق خضرة مو جامعة المؤسس ههههه

هذا كل شيء والرجاء ان تعذروني على الاطالة وشكرا لسعة صدركم .